十十四川料理 (Closed)

朋友約元朗yoho食晚飯，佢介紹一間新派川菜館，唔容易找因為在yoho樓下，入口於商場出面，大門面裝潢不錯，內裏亦簡潔舒服，坐落服務介紹招牌酸菜魚，噤就先點一個招牌菜酸菜魚中辣，再點了魚香肉絲鍋巴，宮廷茄子，粉皮黑毛豬回鍋肉；轉眼酸菜魚送到，魚香撲鼻，用了桂花魚肉，魚肉軟滑，仲有粉絲做底，索滿魚湯，果然係招牌菜；至於魚香肉絲鍋巴，惹味五柳魚香再加埋脆脆鍋巴，食落金香可口，首選之菜；而宮廷茄子，茄子淋滑，索滿汁醬，味道一流；而回鍋肉，如果韭菜爽脆一些和鑊氣猛一些，就完美了。當晚還有啤酒買一送一，當然要啤一啤佢啦。最後加埋一個沖繩黑糖芋圓冰粉做甜品，白涼粉冰涼爽滑，為這晚餐劃上句號。