超羣麵包西餅 (淘大商場1期)

Open Now

Now Closed

去淘大行街，口痕痕想食啲嘢。行過久違的超羣，見到新鮮現製嘅雞蛋仔覺得好有趣。從小對超羣有印象嘅，就只有合桃小蛋糕。雞蛋仔現叫現造，要等約五至八分鐘。見阿靚姐淋蛋漿合埋個模感覺到嗰陣熱力，聞到蛋嘅香味。見住靚姐用刀刮下模邊嘅蛋焦，好想要埋啲焦，但係唔敢出聲。幾分鐘後，雞蛋仔就出世啦！將新鮮帶熱嘅雞蛋仔送入咀裏，就覺得十三個半駛得值得啦。未去到2A巴士站， 大半底皮脆内綿軟嘅雞蛋仔已經落入我肚子裏。好味！值得再食！