美心西餅 (屯門時代廣場)

Open Now

Now Closed

屋企人生日，係美心買左個珍芒果千層蛋糕慶祝。芒果蛋糕得1.5磅裝，無大d又無細d，不過食完晚飯食就岩岩好。成個蛋糕由唔同既深淺黃色材料整成。蛋糕面除左中間有厚切鮮芒果肉裝飾外，圍邊仲有芒果果凍，仲有片食用金箔同朱古力牌仔點綴，賣相都唔錯。果凍下面由6層分別係芒果慕絲，鮮芒果肉同原味蛋糕相間而成。雖然過左芒果當造季節，不過d芒果唔太酸，仲好香芒果味。果凍同慕絲都好香甜芒果味, 一d都唔造作。蛋糕質地係美心一貫既鬆軟品質，整體幾香幾好食又唔太甜。