Video
Read full review
2017-02-23
4237 views
由大排檔到熟食中心，珠記都真係由細食到大，可喜係佢多年來水準依然，無因為賺夠而hea 我地。今日友人難得過來鴨脷洲，一於帶佢試下我嘅老朋友珠記。即日訂位，頭輪已經爆滿，結果要2030。2015到達仲要等下執枱，又有d 無品食客偷雞插隊，建議大家預早訂枱。食海鮮最重要係新鮮，死透嘅海鮮仲衰過唔食，今晚嘅海鮮就完全無lee 個問題。油鹽水蜆：清新，冬菜係亮點，佢嘅咸味係畫龍點晴。大家都有飲湯食粉絲。不過d 蜆就唔算大隻。鼓椒炒蟶子：肉厚，爽口彈牙。醬料啱啱好，唔會搶晒海鮮味，又令佢惹味左。椒鹽九肚魚：金黃色，炸透晒，做到香口鬆脆，食晒成條先醒起佢連骨都唔洗吐椒鹽瀨尿蝦：Lee d 野最好食梗係個殼啦，入晒味，啜啜下幾過癮。蝦身好多膏，啱晒好此道者，咬落去又多重口感。但其實我自己唔鍾意膏（淚），有無得order 無膏版先？菠蘿生炒骨：個醬酸甜比例恰到好處，好醒胃，可惜嘅係d 肉有d 淋，寶寶就不太喜歡，但我仍然食得好開心，菠蘿都唔錯，無用cheap 野。家鄉小炒：基本上係炒雜碎。腰果好正，家人就鍾意佢d 蝦醬同蝦乾，最估唔到係d 魷魚頭尾，細細條，但好彈牙，好惹味！！！白粥：無錯，白粥都要寫
即日訂位，頭輪已經爆滿，結果要2030。2015到達仲要等下執枱，又有d 無品食客偷雞插隊，建議大家預早訂枱。
食海鮮最重要係新鮮，死透嘅海鮮仲衰過唔食，今晚嘅海鮮就完全無lee 個問題。
油鹽水蜆：
清新，冬菜係亮點，佢嘅咸味係畫龍點晴。大家都有飲湯食粉絲。不過d 蜆就唔算大隻。
鼓椒炒蟶子：
肉厚，爽口彈牙。醬料啱啱好，唔會搶晒海鮮味，又令佢惹味左。
椒鹽九肚魚：
金黃色，炸透晒，做到香口鬆脆，食晒成條先醒起佢連骨都唔洗吐
椒鹽瀨尿蝦：
Lee d 野最好食梗係個殼啦，入晒味，啜啜下幾過癮。蝦身好多膏，啱晒好此道者，咬落去又多重口感。但其實我自己唔鍾意膏（淚），有無得order 無膏版先？
菠蘿生炒骨：
個醬酸甜比例恰到好處，好醒胃，可惜嘅係d 肉有d 淋，寶寶就不太喜歡，但我仍然食得好開心，菠蘿都唔錯，無用cheap 野。
家鄉小炒：
基本上係炒雜碎。腰果好正，家人就鍾意佢d 蝦醬同蝦乾，最估唔到係d 魷魚頭尾，細細條，但好彈牙，好惹味！！！
白粥：
無錯，白粥都要寫，家人一直喺珠記都唔會叫飯，而係食粥。無味精，有腐竹，米味，腐竹味都出晒，濃稀適中。一啖接一啖，不自覺就食晒。友人本來覺得無咩特別，但佢話配埋濃味嘅小炒就剛好。
今次最可惜係菜膽雞賣晒，下次一定要預留...6 個人五個餸，都只係$670，真係平靚。
Post
