炎丸居酒屋 (Closed)

今日中午，大少同我捐地窿去咗尖沙嘴K11食飯。12:30pm 入到去，情侶雅座已經冇晒，唯有坐大廳，但都仲有好多位。大少叫咗一夜干定食，而我叫咗刺身定食。大少叫𠹭個係煎一夜干定食，我都明白一夜干應該係又鹹又硬，我覺得大少條魚鹹咗小小，但大少話味道OK，但就硬左啲。自己反而覺得條一夜干應該做炊飯/蒸飯會好食過干煎。我個定食係配赤醋飯，味道唔係太濃，刺身都好新鮮，每一片都有拎立立嘅魚油響面。d漬物普普通通，無乜特別。個茶碗蒸都好滑。我哋食完都已經1:15pm, 雖然大廳已經坐滿人，但一啲都唔嘈，環境依然清靜，大少同我兩個人都可以坐下、傾吓計。呢一間係日本餐廳，我對佢哋定食嘅擺法都有要求。 日本人嘅飯碗一定係擺響左下角，漬物應該放響側邊或者上面，主菜放中間，但係呢間餐廳佢哋求其擺，我有邦大少擺過先開始食。仲有𠹭個服務姐姐黑口黑面、大少話𠹭個服務姐姐次次都係咁。