阿四車仔麵 (Closed)

雖然我都好鍾意食車仔麵，但最怕係環境唔衛生坐得又逼夾。今日竟然比我係旺角發現咗呢間「阿四車仔面」，唔單止衛生乾淨，仲要坐得好闊落，完全冇傳統車仔麵店嘅感覺。車仔面餸菜選擇豐富之餘，仲可以揀淨餸或者配飯，好貼心🥰。自選車仔麵-米粉配沙嗲醬湯底🍜米粉份量十足，食到最尾都唔會淋晒😽🥄沙嗲好細心咁用匙羹分開上，辣度都唔會太辣啱啱好😍好味推薦👍🌟 炸墨魚卷🍥新鮮熱辣，咬落去脆脆地，仲食到粒粒墨魚肉。🌟溏心蛋🥚少見嘅車仔麵餸，流心程度掌握到啱啱好🤤🌟 菜脯（免費）每檯都擺放左免費菜脯可以自由添加😽😽，食到一半可以轉換下口味😝😽其他配料🐟魚腐一開始以為係魚片頭😂😂，咬落口先知原來係魚腐，魚肉味較重，彈口。🥟魚皮餃平常發揮，個皮唔會過厚🥬西生菜咬落去索索聲，夠新鮮。🥤飲品-凍檸茶🍋食車仔麵梗係要配返杯凍檸茶，Fit晒😋