宮崎肉本舖 (Closed)

宮崎肉本舖主打食日式燒肉，今次好好彩坐到窗口位，望住維園一片綠色真係好舒服😋🔹宮崎A5桜牛稀有部位盛合$488宮崎A5桜花牛有四款肉，上後腰脊肉、三角腩、辣椒肉、牛柳，全部都油脂豐富，入口既化。配上白飯一流，雖然每款得兩塊，但其實最後都足夠滿足！好好味！🔹櫻花蝦A5和牛炒飯定食$138櫻花蝦A5和牛炒飯，炒飯炒得夠乾身，和牛油脂豐富但唔會令到個炒飯油淋淋，食落去牛味濃郁，櫻花蝦亦非常香，性價比超高。兩個餐都配有前菜、茶碗蒸、味噌鮮魚湯同甜品。個蟹肉茶碗蒸真係好鮮味好好食💪🏻最後食甜品就有自家制3.6特濃牛乳奶凍同日式芝士撻，兩個都好清爽又唔會太膩，成餐飯完美哂。