Video
Read full review
2022-03-12
991 views
Coffee shop依家真係度度都有，除咗深水埗大南街係文青薈萃之地外，大坑亦都係一樣。大坑呢個地方，望落只係一堆正正方方嘅舊樓，但仔細走進每個街頭，都會發現有好多精品店，咖啡店，私房菜等。甚至有幾座樓嘅牆都刻有同樣字體嘅歌詞，好似個小社區咁。 今次去到呢間coffee shop係網上熱門之一，但去之前我都會對此有點保留。以我角度去睇，有D熱門咖啡店只係主要吸引人去打卡，但野食就非常一般而收得貴。如果有間coffee shop做到環境又靚，食物又高質又覺得值嘅，當然係非常之難，但今日介紹呢間就做得到。 由天后站一行入去大坑就差唔多已經到了。店舖樓底高，空間感寬敞，裝修就係白系簡約風，無大量擺設。前方又有張咖啡bar枱，同樣非常清潔，但同時亦佔了很多位置，令到店舖好容易就會full house。 食物當然有ADB，吐司等，如果唔係點做早市。但勢都估唔到早餐都可以叫招牌烤雞/牛柳意粉等，仲見著隔離枱早上10:00就食cake(賣相是極之誘人)。啡友黎到呢度仲有得揀咖啡豆，當日有兩款較fruity，一款較nutty，如果寫埋烘焙程度就更加清晰。 oma 早餐 $110 價錢以coffee
Coffee shop依家真係度度都有，除咗深水埗大南街係文青薈萃之地外，大坑亦都係一樣。大坑呢個地方，望落只係一堆正正方方嘅舊樓，但仔細走進每個街頭，都會發現有好多精品店，咖啡店，私房菜等。甚至有幾座樓嘅牆都刻有同樣字體嘅歌詞，好似個小社區咁。
今次去到呢間coffee shop係網上熱門之一，但去之前我都會對此有點保留。以我角度去睇，有D熱門咖啡店只係主要吸引人去打卡，但野食就非常一般而收得貴。如果有間coffee shop做到環境又靚，食物又高質又覺得值嘅，當然係非常之難，但今日介紹呢間就做得到。
由天后站一行入去大坑就差唔多已經到了。店舖樓底高，空間感寬敞，裝修就係白系簡約風，無大量擺設。前方又有張咖啡bar枱，同樣非常清潔，但同時亦佔了很多位置，令到店舖好容易就會full house。
食物當然有ADB，吐司等，如果唔係點做早市。但勢都估唔到早餐都可以叫招牌烤雞/牛柳意粉等，仲見著隔離枱早上10:00就食cake(賣相是極之誘人)。啡友黎到呢度仲有得揀咖啡豆，當日有兩款較fruity，一款較nutty，如果寫埋烘焙程度就更加清晰。
oma 早餐 $110
oma 早餐
$110
25 views
0 likes
0 comments
價錢以coffee shop界黎講算係中等，但佢嘅食物真係好精彩。賣相精簡而豐滿，但目光都係重點去咗塊包度。
橙花蜂蜜牛奶吐司
18 views
1 likes
0 comments
麵包放在迷你烤架上，厚厚一片嘅吐司被刀介了九格，再加上迷你玲瓏嘅牛油溶在吐司上面。吐司外層烘後微脆，內裏絲密如生吐司，望落白而無味，但食落卻鬆軟如空氣(不過又唔係空氣包ar)，充滿牛油香但又唔膩，又算清新。
煙三文魚望落紅透反光，口感柔嫩，充滿魚油香與適量咸鮮味，又好似有陣特別風味，唔係一般齋得咸味嗰隻而又好dry。炒蛋望到好靚靚仔仔，蛋液包裹滿熟蛋本身，適味分量唔多唔少，正。
煙肉望落樸實無焦香位，但兩邊外圍卻微帶脆身。我覺得餐廳咁用焗爐烤已經很好，受熱都比較均勻。香腸就係典型嘅脆皮芝士腸，冇乜好講啦。蘑菇軟熟有嚼勁，唔會出水過多而出現泛濫整濕埋其他餸菜的情況，調味就可以加多少少。
酸種包早餐$90
酸種包早餐
$90
50 views
0 likes
0 comments
酸種包有得揀原味/芝麻味，加錢就有墨西哥xxx味(忘記了😅)。酸種包係點，今次就唔多講啦，有興趣可以睇返baked食評(已updated)。
好少見coffee shop有比三片包，都幾飽吓。麵包外層佈滿芝麻，煙韌而唔難切(因為佢片得薄)，內裏氣孔蓬鬆而香口，鬆軟微濕綿而有天然麥香與芝麻香，但個人略嫌酸味不夠多。
牛油果唔夠熟就一向係coffee shop嘅通病，自己可能買5個先有個係熟嘅(齋睇顏色係唔得架！)，而呢度係完美地熟透，加上D中東式嘅調味料，惹味而好smooth。太陽蛋難得地有層焦香脆皮。
新奧爾良烤卡彊雞腿$125
新奧爾良烤卡彊雞腿
$128
23 views
1 likes
0 comments
新奧爾良(new orleans)係美國一個城市，而呢度指嘅新奧爾良，係一種混合而成嘅一種調味料配方，而餐廳就將佢嚟醃/調味。
雞腿望落幾大塊吓，外皮金黃微脆，充滿香料紅椒等嘅herbs。內裏則白而反光，食落係非常之香嫩，多汁而充滿肉味，一度以為係慢煮而成嘅，如果提供埋手套就可以食得更豪邁。
下面嘅醬係紅椒番茄醬，望落顏色奇怪地淺而粉紅，味道就係蕃茄醬lor，又冇話特別多層次/creamy。側邊嘅芝麻包用黎點汁一流。而蔬菜中嘅翠玉瓜先至係我至愛，就係最經典用焗爐焗軟化油潤嗰隻。
其實coffee shop嘅質素去一次就真係高下立見。在我觀點方面，食物係勝過環境/打卡。例如有次去有間新開嘅，傢俬就真係好靚，真係會令人想買返張枱櫈返屋企咁，但真心偏貴而又身處在住宅區內。但今次呢間oma就真係會令我有少少衝動想問佢d嘢食點整，佢連最基本嘅包/蛋都注重，賣相佢又勝，連隔離枱叫嘅mochi 抹茶cheesecake 係會令我有一剎那後悔冇叫埋嚟食。呢間嘅食物/環境/性價比所有都贏(起碼食得好飽)，真係再無野好講架啦。
Post
