Video
Read full review
2020-07-20
5480 views
💰Mandarin afternoon tea ($358/person)另收加一 終於食到呢個大名鼎鼎嘅afternoon tea😳感覺係：太好食了🥺☀️和牛西班牙香腸泡芙呢個出面好似酥皮咁 實淨得黎有啲酥脆入面嘅和牛西班牙香腸味道超濃郁 就咁食會太咸 但配埋外層嘅澱粉酥皮 中和得好好!!☀烤牛肉辣根忌廉火箭菜三文治呢個印象冇咁深刻 因為全部都好高質 所以味道冇咁搶嘅會相對上打返review冇咁興奮🤣 呢個佢幾惹味 帶啲微辣 mild到唔會令你覺得好啃鼻嗰啲 忌廉好light 火箭菜做點綴 食落唔會覺得苦 反而有清新嘅感覺☀煙三文魚檸檬忌廉芝士裸麥麵包😍呢款係我覺得咸點入面最好食嘅😳因為熟我嘅就知我唔係cream cheese/cheese/cream fan~但呢度呢款佢整到好似千層蛋糕咁 好似有around 6薄層 好有咸香味 smoked salmon同cream cheese唔會搶大家戲 而係相輔相成 cream cheese令salmon更軟滑 之後裸麥麵包少少粗粒粗鞋嘅質感 令成個食落唔會得滑孱孱嘅感覺 再加上少少檸檬令到冇咁膩☀雞蛋西洋菜芥末醬三文治呢個配搭都幾得意 外層
另收加一
終於食到呢個大名鼎鼎嘅afternoon tea😳
感覺係：太好食了🥺
☀️和牛西班牙香腸泡芙
呢個出面好似酥皮咁 實淨得黎有啲酥脆
入面嘅和牛西班牙香腸味道超濃郁 就咁食會太咸 但配埋外層嘅澱粉酥皮 中和得好好!!
☀烤牛肉辣根忌廉火箭菜三文治
呢個印象冇咁深刻 因為全部都好高質 所以味道冇咁搶嘅會相對上打返review冇咁興奮🤣 呢個佢幾惹味 帶啲微辣 mild到唔會令你覺得好啃鼻嗰啲 忌廉好light 火箭菜做點綴 食落唔會覺得苦 反而有清新嘅感覺
☀煙三文魚檸檬忌廉芝士裸麥麵包😍
呢款係我覺得咸點入面最好食嘅😳
因為熟我嘅就知我唔係cream cheese/cheese/cream fan~但呢度呢款佢整到好似千層蛋糕咁 好似有around 6薄層 好有咸香味 smoked salmon同cream cheese唔會搶大家戲 而係相輔相成 cream cheese令salmon更軟滑 之後裸麥麵包少少粗粒粗鞋嘅質感 令成個食落唔會得滑孱孱嘅感覺 再加上少少檸檬令到冇咁膩
☀雞蛋西洋菜芥末醬三文治
呢個配搭都幾得意 外層包住青瓜(?)我食落似 之後入面就係egg mayo sandwich 雖然入面個包體已經係壓淋哂 但佢咁樣將外層清新嘅蔬菜同入面egg mayo融為一體 成個感覺好正
☀加冕雞乳酪杏脯乾三文治😍
呢個都好正 佢係甜三文治 雞夠滑身再加啲果仁碎 食落好輕盈嘅yogurt 加埋微微酸甜嘅杏脯乾 好正嘅配搭
🤩之後就到甜品了！
☀️傳統鬆餅 提子鬆餅🥰
因為最近入左scone坑 所以先有食tea嘅念頭！所以scone一定要講先😂
一隻都久仰左文華scone嘅大名好耐🙈
食完終於明點解大家咁高評價😆
食落比我嘅感覺係好干脆 外層好俐落 係一口過嘅干脆夾雜入面係鬆軟嘅質地
牛油味唔係話好出 而係淡淡有牛油香咁 我自己覺得唔係因為佢落得少牛油(因為我有睇片睇過佢哋大廚點樣教整😆) 而係佢哋嗰隻牛油真係好smooth 食落好似食空氣咁 (呢個我之後再慢慢講 ) 所以成個scone食落係唔會覺得好油 拎上手都唔會油🤩 感覺上係輕盈version嘅scone 但入面食落唔會太乾 痴牙程度都比較低
不過重點黎了‼️我發現主角真係真係佢嘅rose petal jam😭 容許我有少少激動 真心好好味 入口清新 有啲果酸味 再係舌頭度散發出淡淡玫瑰花香 🕳🕳🕳我入坑了
只可以講呢隻醬係將佢嘅scone昇華!
clotted cream反而存在感低啲 但係都十分抵讚 食落係似一陣風嘅口感😂 不過係真心有陣淡雅嘅牛油味~ 成個scone嘅感覺比我係同佢酒店比我嘅感覺係一樣 都係走低調但典雅嘅路線😳
☀法式雜莓布丁蛋糕
呢款質感實在 蛋香味濃郁 配埋啲雜莓同柚子皮幾開胃 不過因為其他甜品比較出色所以呢一款就唔算太特別
☀開心果杏脯撻
呢一隻呢我好鍾意佢嘅開心果cream 好綿滑 又重開心果味 入面仲有好light嘅cream同杏脯(定芒果)肉 中意佢嘅撻皮質感 適中又唔油
☀文華芝士餅🥰
好靚 見到唔捨得食😳 佢芝士食落質感似玉子燒咁有啲質感又綿 餅底好似係lotus餅 巧巧痴
☀香草蘭花蛋糕
呢個好得意 有陣陣斑蘭味 中間嗰層係布甸咁動L 上面嘅cream都係好light😆
☀牛奶朱古力海鹽焦糖慕絲🥰
好好食 不解釋😂 因為打到攰同詞窮了！
不過呢個配搭真係無得頂
最後每人都跟咗一壺茶
試左Taste of legend☀️淡淡香草味 又唔會太過濃 💪
總括黎講 係一個又高質又食得好愉快嘅afternoon tea😍
Post
