白色雪花之公主 (Closed)

元朗甜品店很多，是晚同朋友黎試下主打近年大熱的韓式甜品的白色雪花之公主，店名很長，不過平時都係叫佢做白雪公主朋友點的藍莓冰抹，要了細size，但其實都唔細，一個人食會有啲辛苦囉，哈哈。冰抹很重奶味，很綿，藍莓酸酸地中和返，幾好味喎。自己點左kitkat軟雪糕，杯仔細細但斟得超滿，雪糕甜滑勁仲奶香，kitkat有一條份，一切四，仲有少許朱古力粉，但整體無乜朱古力味，當係食軟雪糕吧。亦點了一個熱食炸薯條，炸得過份了點有點燶，旁邊有蜜糖芥末醬同黑松露沙律醬，薯條無乜特別啦，醬料還不錯，甜甜的蜜糖，另一個黑松露則無乜黑松露味。甜品都有餐，要了飲品石榴汁，酸酸地有點怪，哈哈，可能係飲慣。另一杯係凍檸茶，但不凍，上枱時冰已全瀜掉了。飲品真心不行，寧願飲免費提供的麥茶還好飲。人均最低消費要80元，不過可以坐足全晚吹吹水，其實無妨，甜品幾好味，人多叫多幾款share食更好。