Video
Read full review
2017-09-22
1174 views
筆者雖然唔算係個甜品控，但也很喜歡吃甜點。早排友人送咗件「YOKU MOKU」的士多啤梨夾心忌廉蛋糕給我，五層海綿蛋糕不僅夾著新鮮忌廉和士多啤梨薄片，而且還有原粒士多啤梨及士多啤梨糖漿，入口質感鬆軟，士多啤梨香甜豐富，味道一流，所以一直想搵日去試埋店子嘅另一名物《忌廉蛋糕卷》。近日瀏覽網頁，得知原來位於灣仔利東街嘅「Blue Brick Bistro by YOKU MOKU」，做緊《甜之盛宴放題》，每位 $288+10%，睇過個 Menu，見除了可以任吃幾款指定小食和紅白酒任飲之外，仲可以無限量任食南青山蛋糕卷。講真，這個價錢絕對不算便宜，不過聽說平日單點一件蛋糕卷都要成 $58，咁食五件咪已經歸本有餘，一於去試試。甜之盛宴放題時間，如果是星期日至四到訪，就分兩個時段，可以揀 6pm-8pm 或 8:15pm-10:15pm，而星期五至六就只有 8pm-10pm。踏進這幢樓高兩層嘅店子，原來下層是酒吧，沿著銀光閃閃的樓梯往上走，上層是走 fine dining 路線的西餐廳。細看四周，裝潢以雲石灰為主調，天花掛了不少富藝術氣息的立體吊燈，配上向內園街景的小陽台，營造浪漫富情調的用餐
近日瀏覽網頁，得知原來位於灣仔利東街嘅「Blue Brick Bistro by YOKU MOKU」，做緊《甜之盛宴放題》，每位 $288+10%，睇過個 Menu，見除了可以任吃幾款指定小食和紅白酒任飲之外，仲可以無限量任食南青山蛋糕卷。講真，這個價錢絕對不算便宜，不過聽說平日單點一件蛋糕卷都要成 $58，咁食五件咪已經歸本有餘，一於去試試。
甜之盛宴放題時間，如果是星期日至四到訪，就分兩個時段，可以揀 6pm-8pm 或 8:15pm-10:15pm，而星期五至六就只有 8pm-10pm。
踏進這幢樓高兩層嘅店子，原來下層是酒吧，沿著銀光閃閃的樓梯往上走，上層是走 fine dining 路線的西餐廳。細看四周，裝潢以雲石灰為主調，天花掛了不少富藝術氣息的立體吊燈，配上向內園街景的小陽台，營造浪漫富情調的用餐氣氛。
拿起放題餐牌，小食共有 6 款，分別為芝士及風乾火腿拼盤、脆炸紫心薯餅、炸辣味雞粒、脆炸忌廉芝士魚柳、香烤忌廉芝士蘑菇雞翼及鮮果盤。至於甜點方面，除了有 4 款人氣首選的南青山蛋糕卷，包括原味、皇室奶茶、抹茶、芒果之外，另外亦有法式尚蒂利朱古力蛋糕、經典芝士蛋糕、雜莓牛奶凍及法式焦糖燉蛋。至於飲品方面，就有紅白酒、啤酒、汽水、熱花茶、茶或咖啡可供選擇。
飲品揀咗白酒同啤酒，用來配襯小食和甜品就最適合不過。
先嘗鹹再吃甜，幾款小食當中，最愛當然是脆炸紫心薯餅，薯餅外皮好脆，內裡紫薯蓉十分香滑，咬下雖然沒有粒粒的紫薯肉，但勝在香口之餘又不會太甜，加上甜蜜的紫色，最適合用來打卡。煎至外層金黃色的魚柳，水準亦不俗，不但質感結實，切開後原來還有驚喜，魚柳入面釀咗忌廉和芝士，食落外脆內香滑。
對雞翼向來有情意結，食極都唔厭，呢款香烤忌廉芝士蘑菇雞翼，入口啖啖芝士，加上粒粒蘑菇，口感豐富！
輪到掃甜品，燉蛋的焦糖脆面燒得好香脆，用匙羹一舀連燉蛋入口，質感滑溜，既有蛋香又有忌廉的軟滑，令人吃得滿足。雜莓牛奶凍，水準亦不遑多讓，唔單止質感輕盈滑溜 ，食落每啖都有好濃郁的奶味，而且唔算好甜，鍾意食奶凍嘅朋友千祈唔好錯過。接著的法式尚蒂利朱古力蛋糕，糕身以滑溜的慕絲和海綿朱古力蛋糕相間，入口濕潤，巧克力味極濃，層次感非常豐富。至於經典芝士蛋糕，入口雖然比較硬正，而且味道略甜，但餅㡳保持鬆脆，芝味濃郁，就算獨個見 KO 一件應該都無問題。
心儀已久的南青山蛋糕卷，一共有四款，而個人就比較鍾情原味和皇室奶茶味呢兩款，前者蛋糕卷包著厚厚的北海道鮮忌廉，入口細綿軟滑，蛋香十足，而且奶味香濃得來又不太甜；而後者鮮忌廉就混入了印度阿薩姆茶葉，食落啖啖茶香，亦是筆者嘅心水推介。
吃完蛋糕，記得食埋鮮果盤，再配番杯熱飲，既消滯又解膩。
Post
