Video
Read full review
2016-03-06
634 views
馬鞍山★甜匠今日雖然玻璃胃唔係太乖，但一早諗好左去食waffle，心癮難耐都係豁出去甜品店位於略為遠離新港城中心地既鞍誠街，不過好在開係譚仔三哥隔離，應該引誘到唔少人食番個飯後甜品～平日下晝4點幾黎到，有位女店員係到抹緊塊大玻璃，唔怪之得成日都keep到咁乾淨，可以清晰睇到小店既室內環境。門面同店名相呼應咁型仔，落地大玻璃配黑框，Soul sweet是也。一室木系傢俱，放有各式各樣材料既天花吊櫃同樣採用黑框，簡約而不失型格。靈活使用空間，除左5張雙人枱，仲有8個bar枱位，小小店舖大約可以容納18人。店員話整bar枱既另一個原因係希望促進客人同甜品師既交流，可惜暫時發現大部分人都比較喜歡坐雙人枱。值得一讚既細心位係bar枱位置設有鐵勾可以掛袋，唔洗攬住個袋坐咁狼狽。不過，小店最搶眼莫過於開放式廚房既牆身。牆架由一條條好似軌道既金銅色鐵片同竹條造成，掛上一系列甜匠既煮食工具。搵食時間上次經過就係比門口既午後「窩夫。花茶」推廣吸引左，15:30-18:00午後時光只需要$48就可以享用窩夫+花茶，變相姐係買窩夫（$48）送花茶（$28），仲要星期一至日都有提供喎其實小店除左窩夫仲有好多選擇
今日雖然玻璃胃唔係太乖，但一早諗好左去食waffle，心癮難耐都係豁出去甜品店位於略為遠離新港城中心地既鞍誠街，不過好在開係譚仔三哥隔離，應該引誘到唔少人食番個飯後甜品～
平日下晝4點幾黎到，有位女店員係到抹緊塊大玻璃，唔怪之得成日都keep到咁乾淨，可以清晰睇到小店既室內環境。門面同店名相呼應咁型仔，落地大玻璃配黑框，Soul sweet是也。
一室木系傢俱，放有各式各樣材料既天花吊櫃同樣採用黑框，簡約而不失型格。靈活使用空間，除左5張雙人枱，仲有8個bar枱位，小小店舖大約可以容納18人。店員話整bar枱既另一個原因係希望促進客人同甜品師既交流，可惜暫時發現大部分人都比較喜歡坐雙人枱。值得一讚既細心位係bar枱位置設有鐵勾可以掛袋，唔洗攬住個袋坐咁狼狽。
不過，小店最搶眼莫過於開放式廚房既牆身。牆架由一條條好似軌道既金銅色鐵片同竹條造成，掛上一系列甜匠既煮食工具。
搵食時間上次經過就係比門口既午後「窩夫。花茶」推廣吸引左，15:30-18:00午後時光只需要$48就可以享用窩夫+花茶，變相姐係買窩夫（$48）送花茶（$28），仲要星期一至日都有提供喎
其實小店除左窩夫仲有好多選擇，包括賞心悅目既瓶中甜品＆傳統中式糖水等等，不過就唔係午後套餐之內。
好彩黎之前已經心意已決，否則選擇困難症實發作。- 桂圓紅棗茶（跟餐，原價$28）：
桂圓紅棗茶
56 views
0 likes
0 comments
無意中發現套住玻璃杯既水松木杯墊，唔知點解對佢情有獨鍾，個坑位既弧度好smooth好靚～
- 海鹽牛奶拖肥伴香蕉窩夫（$48）：
海鹽牛奶拖肥伴香蕉窩夫
$48
52 views
0 likes
0 comments
3.6牛乳雪糕
103 views
0 likes
0 comments
輪到主角比利時列日窩夫(Liege Waffles)。waffle既外皮好似燒焦左咁深色，但放心食落完全無燶味。有別於平時食開既waffle，食到既亦唔係蛋香味而係甜蜜既焦糖風味。面頭另外加左少量海鹽，不過個人覺得對味道既影響不太大。Waffle勁鬆脆，食落口感扎實帶ｄ嚼勁。好驚訝坐係到食左成粒鐘都仲keep到脆無林晒？一問之下先知原來麵糰加左比利時珍珠糖，烘製果時表面既珍珠糖溶化而形成左果層又香脆又甜蜜既深色外皮太好味全數落肚，拖肥醬＆窩夫都甜蜜蜜但同其他材料配合得好好，食完都唔會覺得好漏/濟
埋單$48。
午後「窩夫。花茶」
$48
122 views
2 likes
0 comments
整體環境舒服，尤其當陽光透過落地玻璃灑入黎好溫暖輕快音樂做背景，感覺放鬆，一個人或者同三五知己黎坐下傾下計都幾好嫁。甜品美味選擇多，tea set實惠，店員友善，係值得支持既有心小店
呀...咖啡癮發作，如果有埋杯咖啡飲下就好喇，哈哈不過店員話小店空間有限難以兼顧埋調製咖啡～都岩既甜匠都係專心做好甜品下次再黎試第2種口味既waffle果時繼續乖乖地飲花茶啦。。
Post
