Video
Read full review
2017-06-12
164 views
仲記得，閃電泡芙啱啱登陸香港時，報章雜誌都紛紛介紹，要食，係要排隊! 而閃電泡芙個名係源於法國詞語Éclair，即係「閃電」，意思係個泡芙太正喇，要好似閃電咁極速吞左佢落肚。今日約左知己好友黎太古城睇戲，仲有大半個鐘先開場。經過呢度，見到舖面好大，竟然用兩個舖位賣泡芙，仲擺有枱凳俾客人堂食，入面玻璃櫃擺放左一件件好吸睛嘅閃電泡芙。數一數，有十一種泡芙揀，件件都設計得好靚，擺放得整整齊齊，兩個人心大心細都唔知揀邊款好。有別於一般普通泡芙，閃電泡芙唔係一個個其貌不揚呈圓形，而係一件件好修長，仲要七彩繽紛，裝飾得好鬼靚咁，充滿創意同心思! 每款泡芙前面都有一名牌寫上味道同編號，編號以N°標示創作嘅先後次序。揀左好耐終於揀左四款當然要相機先食，放上網呃呃LIKE。由左至右，N°3 、N°1、N°8、N°275。N°3 Vanilla Pecan Nut 雲呢拿合桃味 - 忌廉入面加入左好多雲呢拿籽，好香濃雲呢拿味，入口好幼滑，上面仲有粒粒烘過嘅焦糖合桃，甜度少少偏甜，我最鍾意呢款。N°1 Salted Butter Caramel 鹹牛油焦糖味 - 鹹牛油配上濃郁焦糖味，有啲似拖肥糖
數一數，有十一種泡芙揀，件件都設計得好靚，擺放得整整齊齊，兩個人心大心細都唔知揀邊款好。有別於一般普通泡芙，閃電泡芙唔係一個個其貌不揚呈圓形，而係一件件好修長，仲要七彩繽紛，裝飾得好鬼靚咁，充滿創意同心思! 每款泡芙前面都有一名牌寫上味道同編號，編號以N°標示創作嘅先後次序。
揀左好耐終於揀左四款當然要相機先食，放上網呃呃LIKE。由左至右，N°3 、N°1、N°8、N°275。
N°3 Vanilla Pecan Nut 雲呢拿合桃味 - 忌廉入面加入左好多雲呢拿籽，好香濃雲呢拿味，入口好幼滑，上面仲有粒粒烘過嘅焦糖合桃，甜度少少偏甜，我最鍾意呢款。
N°3 Vanilla Pecan Nut 雲呢拿合桃味
0 views
0 likes
0 comments
N°1 Salted Butter Caramel 鹹牛油焦糖味 - 鹹牛油配上濃郁焦糖味，有啲似拖肥糖味，鹹甜交融，兩種味道互相配合同衝擊，幾特別。呢款係閃電泡芙嘅第一款創作口味，都係店中嘅熱賣口味。
N°1 Salted Butter Caramel 鹹牛油焦糖味
1 views
0 likes
0 comments
N°8 Praline Hazelnut Cream 果仁榛子忌廉味 - 用厚實帶脆嘅撻底代替泡芙，配上濃郁嘅榛子可可醬、細滑嘅忌廉同埋碎嘅榛子粒。味道好濃郁，但超級甜，而且好「漏」，極飽肚之選。
N°8 Praline Hazelnut Cream 果仁榛子忌廉味
1 views
0 likes
0 comments
N°275 Champagne香檳味 - 內有香檳酒香味嘅幼滑忌廉，面層係橙黃色嘅果粒，顏色鮮艷，賣相精緻。果粒帶酸配合甜味嘅幼滑忌廉， 一酸一酸，再灑上焗果仁碎，感覺清新。
N°275 Champagne香檳味
0 views
0 likes
0 comments
法國甜品一向好甜，雖然店方已將甜度調低，配合香港人口味，但都仲係偏甜。如果能夠配上一杯帶甘帶苦嘅即磨熱咖啡中和返甜度，咁就會啱啱好，可惜呢度飲品唔係太多選擇，只有幾款凍果汁同凍果茶。呢度咁大個舖位，如果賣埋精品咖啡就好喇。
突然想起汪阿姐名曲- 「熱咖啡」嘅旋律，只想唱一句: 甜又美~ 閃電潮~ 知己 獨欠咖啡☕️☕️☕️!
Post
