一糖 (屏山)

Open Now

Now Closed

新開張個陣見到網上有人介紹就過黎試下，覺得甜品種類太少。隔咗年幾再黎睇下，發現多咗好多甜品，總有一款啱你心水！我地4個人叫咗焦糖Oreo窩夫、草莓芭菲、香蕉紅豆朱古力奶凍、芒果腸粉。本身以為Oreo窩夫會好似普通甜品鋪咁淨係灑啲Oreo粉同埋放塊Oreo餅，點知原來塊窩夫中間係夾咗好多Oreo碎，好有驚喜！而且窩夫外面脆得黎入面又有鬆軟，值得一試。反而草莓芭菲冇想像中咁好食，因為冇咩關於草莓嘅原素，同埋太多cream搞到好膩，不過個賣相幾靚。朱古力奶凍好滑好有奶味，同香蕉紅豆一齊都好夾。芒果腸粉嘅腸粉皮好厚，入面嘅芒果都冇走雞，每一條都有足夠嘅芒果。