滿屋廚房 (Closed)

之前去過尖沙咀分店，原來係瑜景新城都開咗間，好近我啊呢到係以自助形式嘅，揀好野就係收銀到落單同俾錢，由於係下午茶時間嘅關係，而各種甜品嘅價錢都幾平，所以我同朋友決定黎一個甜品大食會首先有嘅係馬卡龍，味道分別有香橙、百爵茶、棒子、綠茶同香蕉味，由於馬卡龍係預先整好，再放入凍櫃，所以有微微嘅雪味，口感有啲硬，一般般跟住係芒果千層切餅，呢到整到係有七層嘅蛋糕，班㦸夾住忌廉同芒果，忌廉嘅味道又唔蓋過咗啲芒果味，如果可以整多幾層就好喇另外仲有士多啤梨忌廉切餅，有海綿蛋糕、忌廉同士多啤梨係面做裝飾，味道都幾簡單，係想像得到嘅味道黎最後就有人樣蛋撻，將蛋撻整成人頭形狀，再係上面灑上朱古力粉，整番個女仔樣出黎，雖然個皮唔係酥皮，但係都算唔錯，而且蛋仲多過啲皮，用匙羹食比較方便