Video
Read full review
2018-07-29
105 views
今晚要睇show，所以要食個早飯。當晚6點入座，全店得小貓三四隻。餐廳光猛闊落，店員俾我大媽嘅感覺，但算有禮貌。餐廳有烏蠅，衛生麻麻。我同朋友一人一個餐，互相試下個主菜。套餐包括沙律，主食，烏冬，甜品同紅茶一杯。豚生姜燒飯套餐($130)。沙律平平無奇。飯偏細，但食埋個烏冬一定夠飽。豚肉好薄，好似鋪滿飯面但其實份量唔夠送飯。海藻烏冬清清地，唔係特別彈牙。大饅魚飯套餐($180)。條魚腥腥地，魚皮又唔脆，好一般嘅貨色。好彩佢俾咗啲七味粉同生椒粉先食到盒飯。抹茶小蛋卷。蛋糕綿滑，忌廉充滿綠茶味，做飯後甜品一流呀～黑芝麻小蛋卷。比抹茶卷更高分，因為食到有黑芝麻碎碎響忌廉入面。好香濃，好滿足~總結係，下次黎淨係食甜品好喇。
餐廳光猛闊落，店員俾我大媽嘅感覺，但算有禮貌。餐廳有烏蠅，衛生麻麻。
我同朋友一人一個餐，互相試下個主菜。套餐包括沙律，主食，烏冬，甜品同紅茶一杯。
豚生姜燒飯套餐($130)。沙律平平無奇。飯偏細，但食埋個烏冬一定夠飽。豚肉好薄，好似鋪滿飯面但其實份量唔夠送飯。海藻烏冬清清地，唔係特別彈牙。
大饅魚飯套餐($180)。條魚腥腥地，魚皮又唔脆，好一般嘅貨色。好彩佢俾咗啲七味粉同生椒粉先食到盒飯。
抹茶小蛋卷。蛋糕綿滑，忌廉充滿綠茶味，做飯後甜品一流呀～
黑芝麻小蛋卷。比抹茶卷更高分，因為食到有黑芝麻碎碎響忌廉入面。好香濃，好滿足~
總結係，下次黎淨係食甜品好喇。
Post
