大飯糖甜品小食屋 (Moved) New Location

大飯糖係洪水橋輕鐵站附近，行3 4分鐘就到，非常方便。而且甜品款式好多，中西合璧，仲有雪糖，令我選擇困難症又發作啦。首先，食啲鹹野先，咖哩拼盆有魚蛋，腸仔，豬皮，蘿蔔，我大推豬皮啊，超級入味，而蘿蔔都好清甜。而腸粉都可以自己落醬料，自己調味。主角黎啦，3.6軟雪糕加木糠布甸，雪糕好香奶味，布甸就好綿密，配埋一齊好夾啊。份量亦都好夠，2個人分享岩岩好。最後就係超級三兄妹，心太軟，朱古力布甸同雪糕。心太軟真係好驚喜，佢個流心非常出色，仲有啊外面層蛋糕好軟身，加上整體唔會太甜，食成個都冇問題。