Video
Read full review
2018-11-24
1598 views
係呢頭食完晚飯，特登唔食咁飽過黎呢度食甜品好彩仲有少量空枱，坐近門口位置呢D小枱享受我今晚的甜品時間黎多幾次食飯都知道Michael除左係呢度的行政總廚外，甜品亦係佢的拿手好戲，每次黎都有新出品，為食客帶來新鮮感今次食左呢客薄荷綠茶芝士蛋糕，一款外邊未食過的芝士蛋糕，薄荷X綠茶 - 究竟係咩味呢?首先個人對於薄荷有些少抗拒，咁點解又會叫呢客呢? 皆大同行友人鍾情薄荷囉 (哈..哈...)! 友人先食一啖，叫我點都要試下係有D抗拒，但又未至於討厭，食咪食! 入口首先食到薄荷味，但絶對唔係濃味，程度似食緊"綠箭" (利申: 我係會食綠箭)，跟住再細味就到綠茶味出場，跟住就到香甜芝士味，口感超滑溜，但又有食到餅底脆脆口感，無論味道及口感層次都相當豐富! 食完呢啖後，我隻碟不由自主地又再多片.......................黎呢度又點會只食一款甜品咁少?!呢客係焗菠蘿啤梨酥皮，配以獨家製椰絲忌廉醬焗到香脆的酥皮，入面包住酸中帶甜的菠蘿及啤梨，味道清新開胃，多汁生果的軟腍加上乾身香脆的酥皮，咁樣組合應該無得輸啦卦.....…食晒成客都無問題啦!食完甜品，心思思想嘆杯咖啡!
好彩仲有少量空枱，坐近門口位置呢D小枱享受我今晚的甜品時間
黎多幾次食飯都知道Michael除左係呢度的行政總廚外，甜品亦係佢的拿手好戲，每次黎都有新出品，為食客帶來新鮮感
今次食左呢客薄荷綠茶芝士蛋糕，一款外邊未食過的芝士蛋糕，薄荷X綠茶 - 究竟係咩味呢?
薄荷綠茶芝士蛋糕
23 views
0 likes
0 comments
首先個人對於薄荷有些少抗拒，咁點解又會叫呢客呢? 皆大同行友人鍾情薄荷囉 (哈..哈...)! 友人先食一啖，叫我點都要試下
係有D抗拒，但又未至於討厭，食咪食! 入口首先食到薄荷味，但絶對唔係濃味，程度似食緊"綠箭" (利申: 我係會食綠箭)，跟住再細味就到綠茶味出場，跟住就到香甜芝士味，口感超滑溜，但又有食到餅底脆脆口感，無論味道及口感層次都相當豐富! 食完呢啖後，我隻碟不由自主地又再多片.......................
黎呢度又點會只食一款甜品咁少?!
呢客係焗菠蘿啤梨酥皮，配以獨家製椰絲忌廉醬
焗菠蘿啤梨酥皮
15 views
0 likes
0 comments
焗到香脆的酥皮，入面包住酸中帶甜的菠蘿及啤梨，味道清新開胃，多汁生果的軟腍加上乾身香脆的酥皮，咁樣組合應該無得輸啦卦.....…食晒成客都無問題啦!
15 views
0 likes
0 comments
食完甜品，心思思想嘆杯咖啡! 呢度有獨家咖啡品牌，多款選擇!
今晚作為我Coffee Pairing的係呢杯 Expresso
Expresso
25 views
0 likes
0 comments
比起其他特式咖啡黎得更加濃厚，口味強烈，表面的咖啡脂加強掛杯效果，2啖飲晒，為呢餐寫上完美句號!
Post
