Video
Read full review
2014-04-10
21484 views
今個月輪到我的生日，三個女話要與我慶祝，她們還在學兼且零用錢也不多，既然說要請我，我又如何去推辭，零用錢的事...我懂！餐廳今期的主題是海膽，女兒們知道我好這味，很少自助餐會做海膽推廣，而且價錢都是每人三百多元，既然大家喜歡就扑鎚訂位！搭地鐵在油麻地站出, 沿著窩打老道直行數分鐘便到達, 城景國際隸屬香港中華基督教青年會, 所以經過九龍會所之後就到達!入到餐廳, 安頓好後, 當然要襯未有太多客人時周圍睇睇有乜食兼影相 ...好大一檯凍海鮮及前菜 , 四面都放有不同款式的食物 , 睇見已覺豐富 ~刺身吧會有廚師幫忙遞刺身, 阿拉斯加蟹腳及法國膏蟹都係在這處問廚師領取 !一隻隻手掌咁大嘅美國生蠔就排係我面前, 可惜時間未到廚師未現身呢~各種各樣風乾火腿同埋芝士都已經整裝待發......走出刺身吧旁邊嘅門口就有一列檯並擺放咗沙律菜、醬汁、配料、熱湯、麵包等等熱葷食物還未出齊 , 我一陣再去睇睇 , 先走到對面嘅切肉櫃檯 , 睇下掛起嘅一串串是甚麼?原來係烤雞、烤羊腿、烤肉腸 ......旁邊咖喱吧 ... 葷素俱備返回座位等待開場 , 此時有侍應生送來幾個膠幣 , 並叮囑我們若然遺失了那些膠
餐廳今期的主題是海膽，女兒們知道我好這味，很少自助餐會做海膽推廣，而且價錢都是每人三百多元，既然大家喜歡就扑鎚訂位！
搭地鐵在油麻地站出, 沿著窩打老道直行數分鐘便到達, 城景國際隸屬香港中華基督教青年會, 所以經過九龍會所之後就到達!
入到餐廳, 安頓好後, 當然要襯未有太多客人時周圍睇睇有乜食兼影相 ...
好大一檯凍海鮮及前菜 , 四面都放有不同款式的食物 , 睇見已覺豐富 ~
刺身吧會有廚師幫忙遞刺身, 阿拉斯加蟹腳及法國膏蟹都係在這處問廚師領取 !
一隻隻手掌咁大嘅美國生蠔就排係我面前, 可惜時間未到廚師未現身呢~
各種各樣風乾火腿同埋芝士都已經整裝待發......走出刺身吧旁邊嘅門口就有一列檯並擺放咗沙律菜、醬汁、配料、熱湯、麵包等等
熱葷食物還未出齊 , 我一陣再去睇睇 , 先走到對面嘅切肉櫃檯 , 睇下掛起嘅一串串是甚麼?
原來係烤雞、烤羊腿、烤肉腸 ......
旁邊咖喱吧 ... 葷素俱備返回座位等待開場 , 此時有侍應生送來幾個膠幣 , 並叮囑我們若然遺失了那些膠幣 , 便不能到櫃檯處換領一板韓國海膽 !
換了海膽回來 , 一板有大約成人手掌般大小 , 海膽顏色偏淡黃也較細瓣, 入口即溶 , 味道甘甘的帶甜 , 鮮美! 剩食外也可與燒米粑、豆腐腦及美式薯皮同吃 , 多樣配搭變奏出多重味覺享受。
黃鑽海膽為主題的自助晚餐 , 除了奉送每位原板韓國入口海膽一客之外 , 以海膽入饌的食物在當晚也有幾款 ......
好似有這個味道新穎, 帶甘帶甜嘅 海膽甜薯梳乎厘 ... 烤得高高嘅梳乎厘鬆軟綿綿, 海膽已經溶入梳乎厘嘅蛋白裏頭, 碗底兩粒紫薯, 食味又香甜又糯 ... 總係比甜品部嘅綠茶梳乎厘為佳!
海膽鯖魚一夜干泡飯 , 首先要知道一夜干是什麼 ? 日本北海道漁夫發明了一個保存魚的方法 , 先將鮮魚剖開 , 清除內臟 , 浸泡在與海水濃度近似的鹽水中 , 經過一夜風乾後 , 魚肉肉質緊實 , 風味更鮮香 !
廚師選用鯖魚一夜干 , 海膽配上鯖魚和香脆可口的炸鍋粑 , 加入清湯品嚐 , 鍋粑融入了鯖魚脂香 , 變得很順口 ~
在風乾火腿那邊俾我發現了海膽木耳鮮百合咯哆 – 味道酸得來有柚子果香 , 木耳、鮮百合及沙律菜本身都係爽脆質地 , 再加上海膽同吃 , 味道特別 !開始要嚐試熱葷 , 走一圈卻俾我見到另外一款海膽美食 ...
熱氣騰騰嘅海膽茶碗蒸 , 蒸蛋嘅味道清爽也夠味 , 材料豐富 , 吃到濃郁嘅海膽鮮味 !至於其他熱葷還有 ...
香煎歐鰈魚 :魚味較為清淡 , 而煎過後嘅魚肉質地會有些微粗糙 , 配上這個香草蕃茄醬會很開胃 !
燒羊架 : 一點兒羶味也沒有 , 有只餘那些羊肉香 , 肉質肥瘦適中 , 嫩滑也不會過熟 !
燒牛肩肉配乾蔥野菌汁 :牛肩肉嘅肉味濃 , 燒至五成熟剛剛好 , 肉質反而是比預期軟嫩 , 乾蔥野菌汁食得好舒服 ~
蠔皇金菇扒小棠菜
天多利燒雞 :味道對版 , 可以講係比某些印度餐館煮得更為好味 , 熏烤味濃 , 雞肉醃得入味夠味 , 外表焦脆 , 肉心嫩滑 !
中式牛柳 :醬汁酸酸甜甜加少少辣 , 牛柳肉軟軟也有質感 , 味道與小時候上酒樓吃嘅一模一樣 !
舀碗羅宋湯來解解飽滯 , 有牛肉、椰菜、紅蘿蔔等湯料 , 湯質杰身 , 酸酸的帶點辣 , 到現在還對它念念不忘 ~復活月特別呈獻－抹茶甜品盛薈
餐廳供應超過 20 款特色甜品 , 包括北海道抹茶 3.6 牛奶布甸、十勝紅豆綠茶蛋白卷、抹茶梳夫厘 及 抹茶啫喱伴香芒楊枝金露 , 賣相的骰精美 , 連同 Haagen - Dazs 雪糕 ...
無論橙汁、利賓納 , 還是咖啡、奶茶、中式熱茶都是源源送上, 紅白餐酒及啤酒都係無限添飲 , 櫃檯設在入口處 , 由穿著黑色西裝的經理負責斟酒 !
最後, 餐廳竟然送我一個生日蛋糕, 始終在自助餐裏落力太多, 蛋糕還是外帶回家再慢慢吹蠟燭去嘆！
雜果蛋糕內藏很多新鮮水果粒 , 鮮奶油輕盈不膩 , 清蛋糕濕潤柔軟 , 不知道蛋糕能否散買 ? Post
