神戶食堂 空姐牛肉飯 (Closed)

當初呢間神戶食堂開張嘅時候都幾多人討論同報道咁，唔知點解間嘢係一個前空姐開嘅可以係一個gimmick😂🤔不過身為一個飯桶，我係一直都想嚟食吓嘅🤣佢地生意唔錯，我夜晚去食，俾完錢要等十五至二十分鐘先拎到飯。三款餸入面我捨棄咗牛肉🙈因為唔知點解感覺牛肉應該同吉野家嘅差唔多🤣(或者真係食過呢到嘅牛肉飯嘅朋友可以留言分享吓🤣)壽喜燒雞翼同吉野豚肉都唔錯喎，食落都係甜甜哋好好送飯😍雙拼嘅雞翼有四隻，大大隻好厚肉，食落肉質嫩滑juicy，係幾好食的😆話說其實煮豚肉同煮雞翼嘅汁係咪差唔多/甚至一樣？😂🙈.PS 飯有大同細選擇，細雙拼飯係$36。另外加四蚊可以換購紙包飲品或罐裝汽水。