泰風SO

Open Now

Now Closed

細個時同屋企人去食泰國菜好鐘意飲龍眼冰，因為夠哂香甜，仲可以解辣。話說星期六同老公二人行下街，掃下街，拍下拖，行行下見到有間泰國小店，佢有張poster 寫話有龍眼冰買，我立即雙眼發光，9秒9衝上去睇下，點知店員話冇貨....心立即跌落谷底。點知再行多一陣，去買鹽水雞之後行過見到又有一間都幾大間嘅泰國小店，入面除左有粉麵仲有小食賣，老公話入去睇下有咩小食買比三隻小妖，睇睇下老公見到個雪櫃入面有龍眼冰，佢立即買黎比我飲。25蚊其實都唔平，不過個一下個心想飲就唔理咁多啦。一打開已經聞到好香嘅龍眼味，同埋見佢比起出面食店嘅深色，一飲落去超香超大陣龍眼味，不過可惜係過甜，甜到最後連三隻小妖都唔飲。不過個一下就滿足左我嘅願望，就算太甜我都覺得ok。