Video
Read full review
2023-01-24
57 views
路德圍勁多食肆又有公眾停車場，所以不時都會去嗰度食吓嘢，今次試咗立鮨，佢嘅甜蝦他他飯真係一試難忘！午市套餐有沙律+味噌湯+主食，另外可以用優惠價追加食物，我哋今次追加咗迷你甜蝦他他飯同蟹肉忌廉餅，仲試咗富士山柚子梳打添！壽司用咗傳統赤醋飯，十分有驚喜，魚生亦都好新鮮，我個人最推薦油甘魚同火炙左口魚邊。雖然只需$28，但迷你甜蝦他他飯一啲都唔細碗！我第一次食甜蝦他他，覺得驚為天人，他他入口勁creamy，啖啖都係甜蝦嘅鮮甜，呢個丼飯唔需要任何調味料都已經好好食，十分推薦！另外我哋仲單點咗嚟自岩手縣嘅生蠔🦪令和怪物，蠔味一如以往咁鮮甜濃郁，口感嫩滑，難怪有「海中牛奶」嘅封號！最後我哋仲叫咗兩個吞拿魚腩蓉手卷作為本日嘅結尾，手卷由頭到尾都有滿滿肥美幼滑嘅魚蓉， 加上伴咗醃蘿蔔乾嘅飯同脆口嘅紫菜，每一口都好滿足！另外想讚吓師傅好細心，見我哋成餐飯食咗唔少飯，主動問我哋駛唔駛減飯😆
午市套餐有沙律+味噌湯+主食，另外可以用優惠價追加食物，我哋今次追加咗迷你甜蝦他他飯同蟹肉忌廉餅，仲試咗富士山柚子梳打添！
壽司用咗傳統赤醋飯，十分有驚喜，魚生亦都好新鮮，我個人最推薦油甘魚同火炙左口魚邊。
雖然只需$28，但迷你甜蝦他他飯一啲都唔細碗！我第一次食甜蝦他他，覺得驚為天人，他他入口勁creamy，啖啖都係甜蝦嘅鮮甜，呢個丼飯唔需要任何調味料都已經好好食，十分推薦！
另外我哋仲單點咗嚟自岩手縣嘅生蠔🦪令和怪物，蠔味一如以往咁鮮甜濃郁，口感嫩滑，難怪有「海中牛奶」嘅封號！
最後我哋仲叫咗兩個吞拿魚腩蓉手卷作為本日嘅結尾，手卷由頭到尾都有滿滿肥美幼滑嘅魚蓉， 加上伴咗醃蘿蔔乾嘅飯同脆口嘅紫菜，每一口都好滿足！另外想讚吓師傅好細心，見我哋成餐飯食咗唔少飯，主動問我哋駛唔駛減飯😆
Post
