Video
Read full review
2017-10-15
283 views
今日趁天氣清涼，想入下白泥郊遊睇日落。夜晚出返元朗巿區覓食，見有間餐廳個名幾特別 - 1523釗級廚房，地方細細，最多可以容納20人左右。見門外有人等位，質素應該有返咁上下，仲全日免加一，就即管試吓~粉麵飯套餐幾十蚊︰黑板亦有特別推介，可以單點，或者加$20就有成set餐湯+蒜茸包+餐飲(只限$18飲品)。餐湯係【蘑菇忌廉湯】，面頭有一抹忌廉令個湯香滑啲，成個湯都係蘑菇蓉夠足料，而且唔會過濃稠，唔怕飲完太飽肚。配嘅蒜茸包就面包皮薄而脆，入面鬆軟，夠晒蒜茸味。我哋無揀粉麵飯套餐，因為兩個都係食肉獸，無肉不歡，睇啱左牛扒同豬手~~【美國12oz黑安格斯Prime肉眼$298】 Prime肉眼係美國牛肉等級最高嘅一種，肉質與脂肪分佈均勻。100隻牛之中只有大概2隻可以符合Prime嘅標準，所以呢個價錢係合理嘅。叫咗五成熟，肉質粉嫩肉汁多，最正係啲脂肪油花分佈均勻，所以肉香油香混合埋一齊，味道豐富，但牛味唔算太濃! 仲有少部份位置做得熟咗啲啲，不過件肉眼扒本身夠高質，所以都唔會話好嚡好乾，依然美味。配上食紅肉嘅最佳拍擋紅酒汁，味道又再提升一個層次。伴菜仲有新鮮沙律菜，仲有胡麻醬添~薯蓉係黑松露
粉麵飯套餐幾十蚊︰
黑板亦有特別推介，可以單點，或者加$20就有成set餐湯+蒜茸包+餐飲(只限$18飲品)。
餐湯係【蘑菇忌廉湯】，面頭有一抹忌廉令個湯香滑啲，成個湯都係蘑菇蓉夠足料，而且唔會過濃稠，唔怕飲完太飽肚。
配嘅蒜茸包就面包皮薄而脆，入面鬆軟，夠晒蒜茸味。
我哋無揀粉麵飯套餐，因為兩個都係食肉獸，無肉不歡，睇啱左牛扒同豬手~~【美國12oz黑安格斯Prime肉眼$298】 Prime肉眼係美國牛肉等級最高嘅一種，肉質與脂肪分佈均勻。100隻牛之中只有大概2隻可以符合Prime嘅標準，所以呢個價錢係合理嘅。
叫咗五成熟，肉質粉嫩肉汁多，最正係啲脂肪油花分佈均勻，所以肉香油香混合埋一齊，味道豐富，但牛味唔算太濃! 仲有少部份位置做得熟咗啲啲，不過件肉眼扒本身夠高質，所以都唔會話好嚡好乾，依然美味。配上食紅肉嘅最佳拍擋紅酒汁，味道又再提升一個層次。
伴菜仲有新鮮沙律菜，仲有胡麻醬添~
薯蓉係黑松露薯蓉，好食，食晒~
【慢煮原隻德國咸豬手$168】隻豬手好鬼大隻，比起我個拳頭大好多。豬手皮唔會話好厚皮好難咬，而係薄皮同極之脆。 皮下面有一層薄薄嘅肥膏，切開見到入面啲肉好粉嫩。皮+膏+肉一齊放入口，有齊三種味道口感 - 皮又香又脆；肥膏又滑又有油香；肉就味道十足同埋夠嫩滑又唔會乾爭爭，絕對係慢煮出嚟嘅效果。特別一提係所配嘅蜜糖芥茉醬，一食就知係餐廳自己調配，因為蜜糖味好夠濃，食落好似成隻豬手搽左層蜜糖咁，好正好正，一定要點汁嚟食!!
我地將兩個主菜share嚟食，食晒肉眼扒先食豬手，但切開依然仲係熱。揭開塊脆皮見到肥膏反射燈光閃令令咁，但層肥膏又唔會過厚，係靚豬手嚟。百幾蚊就食到大隻靚豬手，大滿足~
餐飲叫左【特濃朱古力】同【朱古力咖啡】。
【特濃朱古力】味道果然比出面一般跟餐朱古力熱飲濃少少。
【朱古力咖啡 +$18】朱古力味唔太出，但咖啡味好香濃，飲得出係即磨咖啡。可惜奶係凍嘅，如果有加熱會更好!
除左食物質素，服務亦值得一讚，店裡面只有一位女侍應，傳菜執枱收銀一腳踢，但依然手腳俐落而且笑容親切有禮貌。意粉、意大利飯類，7:30前落單仲有8折!
午餐嘅話，最平都係$48咋，肉眼扒都只不過係$78，轉餐只係加$10，絕對係街坊價錢，抵!!
Post
