柏景餐廳 (Closed)

見信和會員有生日月份優惠，又見有熱龍蝦，於是去試下。食物款式唔多，似乎主打爐端燒。有燒各種蔬菜，海鮮（蝦，元貝，蟹腳等）同埋主打芝士焗龍蝦。凍海鮮得幾款 都係蜆蝦蟹腳嗰啲。海鮮好似好多好正咁但係好可惜係一啲都唔新鮮，冇鮮味而且肉質都唔得。龍蝦應該係喺數字零食舖都買到嘅急凍龍蝦。甜品更無言，得幾款蛋糕，全部都口感不佳又得個甜字唯有食 m字牌雪糕安慰下自己。全場比較好食嘅係熱熔芝士配法包，燉湯同雪糕。我真係從來冇喺食buffet 時放棄過甜品同埋要喺buffet食炒飯，今晚真係第一次.......唯一賺嘅係服務，真係積極又有禮貌。