稻香 (Closed)

咁早排我生日去呢間稻香食飯因為時間早唔洗等位就ok入到去冷氣亦極之夠唔會食到成身汗跟住我地就一行4人開始叫餸首先叫左個唔知咩二寶？有8塊乳豬同有條寶石魚。。味道唔錯，我哥搶曬黎食跟住就咕嚕肉。肥豬肉一埋，但幾香略嫌太酸叫左個上湯龍蝦伊麵。龍蝦有一隻，都算有肉，但冇乜味，相反伊麵就幾香好好食份量多另外叫左半隻燒鴨，太過不知所謂，點解會淋咁多豉油，好咸唔香肉質差之後仲有個星洲炒米，炒得幾好，唔會太乾身，用料足，蝦好爽口叫左五碗白飯，飯幾香，份量唔夠仲有沙畺雞腳，冇特別好普通呢間菜式唔多點解我上面好似寫到味道都ok但負評因為所有野食有個共通點，冇一碗係熱，連條魚都只可以話係較暖，難理解點解唔熱，係一拿出黎就已經咁而唔係因為食太慢有個男店員仲搞笑，新黎唔緊要慢慢學佢拿餸俾我地個陣拿左條石班俾我地，但我地果條只係平價寶石魚，佢竟然話冇所謂啦冇分別。雖然話可能我有賺，但隔離枱點算，加上如果我龍蝦伊麵變鮮蝦伊麵。。。。所以我接受唔到呢條友石班同寶石魚都分唔到，仲學人做酒樓，新人都唔好新到咁過份，仲要無所謂環境就好ok樓底高，幾乾淨，但始終d野食凍服務又古古怪怪bad中菜本身就偏油，一凍就。。。