聚點私房 (Closed)

因疫情關係生日聚會都係選擇私房菜，在OpenRice見到評價都唔錯就試吓心態，一行六人訂咗（皇牌鮑魚宴）首先去到餐廳係一間都有返少許歷史但冇持續維修食店都比較殘舊，第一輪菜式八小碟，味道都唔錯，其後菜式味道除了杞子會菜苗都算不錯，尤其後加(加賀清酒焗肉蟹）更係全晚菜式精髓🤔，但可惜以這價錢食物同環境係不相符，就以加一服務費10%我們真見不到有任何服務，只見主廚王師傅每道菜都會問啱唔啱食，因為我哋唔係來試菜係來消費，其實這個動作可以減一半，當大家食完最後一碟菜竟然個侍應可以不問我哋就攞生日蛋糕到枱面還想即點火，其實當時時間大約9:30，食店好似有啲趕時間收工🤣最奇怪這店每樣都收費，飲杯茶都要每位計，私房菜都好少這個做法，冇裝修冇服務但菜式味道係可以嘅，希望店主睇到這食評除了食物都要注意其餘配套。