蠔站 (諾士佛臺)

Open Now

Now Closed

我地5個女仔，每逢1個生日，另外4個都會夾錢請食生日飯，夾咗咁多年，都有個大概嘅budget喺到。呢次朋友生日話要食生蠔，識佢咁耐都知佢係生蠔怪魔😂😂😂緊係要搵間抵食夾大件嘅俾佢，如果唔係out bud🙈🙈同事介紹咗間蠔吧俾我，喺諾士佛台，話性價比高，上網一睇，評語好壞不一，都幾多劣評下😂😂😂😂好驚係伏呀大佬！由於同事拍心口話正嘢，見openrice book位又有折，就試一試！我不嬲一般生蠔，不過我都食到，唔覺腥，仲幾鮮下，見另外幾個朋友食得勁快😂好食又未算，但係抵嘅。另外仲叫咗一堆嘢食，食到好飽，食物質數都唔錯呀。最後仲食埋甜品，呢晚食得好盡興。