泰北美食 (Closed)

2009年1月在萃華吃過比較鳥煙的一餐, 雖然有學長這部空氣清新機在身邊, 心情仍然暢快, 不過時間尚早, 一起溝溝貨也好.其實學長一早巳給我安排好宵夜項目, 而當他說是諾士彿檯時, 我就估到是押鷗亭了(典解我可以咁醒! 哈哈~). 但因為押鷗亭我巳去過兩次, 而且最近轉了餐牌後好像貴了許多, 加上預計會談得幾夜, 回程多數要打的, 還是近近地去我至愛的蒲點九龍城好了.天氣寒冷, 喝碗辣辣的熱湯最好, 雖然學長不太好辣, 但壽星女嘛, 就要他就我一次啦. 想起泰北的食物經濟地道又好吃, 就拉了學長來, 果然好滿足, 完全是溝貨成功!食物介紹花螺 - 見d螺幾大隻, 叫來試下, 幾爽甜鮮味, 份量唔少, 好似係$20-$25, 抵食!豬雜湯 - 要咗加辣, 果然夠辣, d豬雜夠腍又無壓味, $30大大碗, 正~椰菜苗 - 唔算太靚, 但炒得幾惹味, 清碟~當然唔少得泰象啤!能跟學長認識及成為LBB, 是我今年的一大收穫, 實在感到好幸福, 謝謝LHC帶給我快樂無限的一天, 謝謝您安排的飲食節目, 謝謝您的精緻禮物, 很合心意, 很有Taste~