Video
Read full review
2014-06-24
3214 views
好多年生日都係撞正假日因而可以約齊屋企人一齊去食自助餐慶祝但今年正日係平日，個個都要番工生日飯唔係自助餐……都要揀間好野食既上網搵銅鑼灣有咩好去處見到唔少人都黎過食生日飯:^0環境其實不錯，當晚坐窗口位，有街景望:^)坐位好闊落（坐位數唔多，分隔得夠開），坐得舒服室溫又剛剛好，唔會話凍到想食完即逃咁仲要有燭台，好有情調咁XDDD（次次見到燭台都突然好興奮XDDD蒜蓉包蒜蓉味好香，真係未食已聞到烤焗後呈金黃，唔會話太燶，但佢係有焦香味既外層香脆，牛油味重，不過夠乾爽唔會成口成手油咁若果有蒜蓉碎就仲正仲香（重點係唔可以有辣味嗆味如果話有咩要改進既話……可能係可以俾客人揀餐包？因為唔係個個中意蒜味，而且係第一樣上既野，個impression都幾重要既魚湯煮美國蜆睇個樣好似好足料咁喎蜆既份量都多，同埋係開哂口既:^)未食蜆之前先飲頭啖湯（喂XD魚湯味濃，但好鮮甜，並無膩感蜆肉原來係幾大，唔係話得個殼大咁:^0冇沙唔再講，佢冇腥味，感覺新鮮除左蜆仲有d菇既，菇唔會苦，仲有淡淡香味慢煮三文魚配魚子醬荷蘭汁個賣相幾得意XDD，唔知點解有種行星feel XDDD呢道前菜其實感覺有點重，因為佢混合左好多
因而可以約齊屋企人一齊去食自助餐慶祝
但今年正日係平日，個個都要番工
生日飯唔係自助餐……都要揀間好野食既
上網搵銅鑼灣有咩好去處
見到唔少人都黎過食生日飯:^0
環境其實不錯，當晚坐窗口位，有街景望:^)坐位好闊落（坐位數唔多，分隔得夠開），坐得舒服
室溫又剛剛好，唔會話凍到想食完即逃咁
仲要有燭台，好有情調咁XDDD
（次次見到燭台都突然好興奮XDDD
蒜蓉包蒜蓉味好香，真係未食已聞到
烤焗後呈金黃，唔會話太燶，但佢係有焦香味既
外層香脆，牛油味重，不過夠乾爽唔會成口成手油咁
若果有蒜蓉碎就仲正仲香（重點係唔可以有辣味嗆味
如果話有咩要改進既話……可能係可以俾客人揀餐包？
因為唔係個個中意蒜味，而且係第一樣上既野，個impression都幾重要既
魚湯煮美國蜆睇個樣好似好足料咁喎
蜆既份量都多，同埋係開哂口既:^)
未食蜆之前先飲頭啖湯（喂XD
魚湯味濃，但好鮮甜，並無膩感
蜆肉原來係幾大，唔係話得個殼大咁:^0
冇沙唔再講，佢冇腥味，感覺新鮮
除左蜆仲有d菇既，菇唔會苦，仲有淡淡香味
慢煮三文魚配魚子醬荷蘭汁個賣相幾得意XDD，唔知點解有種行星feel XDDD
呢道前菜其實感覺有點重，因為佢混合左好多種香味，整個感覺係會好rich既
首先佢魚子醬既味道好concentrated，爆開果下好重鮮味（唔係腥
海膽幾新鮮，唔會有苦味腥味，鮮甜可口
重點來了，我最愛的三文魚:^DDDDDDD
慢煮既方法令三文魚中心仲可以保持鮮嫩有彈性
三文魚味道好鮮，冇雪藏味同腥味，魚油幾豐富
但正正係因為魚油濃郁，配上荷蘭汁或者有點Heavy了
荷蘭汁本身牛油味好濃好突出，只有少少酸味令佢冇咁膩
所以我覺得呢道作為前菜似乎有點濃味了
雖然味道配搭係可以既，但好易會覺得膩，係前菜部分就有膩感……呢點可以改善
黑松露忌廉湯松露香味十分濃郁，基本上係未入口已經感受到
香而不膩，仲要菇菌打碎入湯，感覺到有碎粒好足料
我覺得黑松露既份量都夠既，因為佢始終係香氣濃厚，加太多反而會太濃烈
忌廉湯底幾creamy，不過唔算好膩既:^)
龍蝦湯鮮甜味美
拿說實話佢唔係有龍蝦肉係入面既
只係佢鮮甜得黎係好自然，唔係話落糖就造得出既效果，係會連帶埋香氣既
濃稠度剛好，唔會太厚（味道甜既話驚佢會膩
賣相都不錯，仲有畫花咁:^)
燒西班牙黑毛豬柳配力矯汁本身冇諗過原來有咁多配菜XDD，仲要擺盤幾整齊
先嚐豬柳，有微焦香氣
肉質彈牙有嚼勁，但又唔係好老好柴好韌，保留到有肉汁同油香
肉味非常突出，越嚼越香，唔係只靠調味
同埋佢係厚身既，不過夠熟夠熱，煮得好均勻
醬汁鹹度夠，稀稠適中，剛好可以coat住食材
一旁既配菜清新解膩，食一大塊豬柳一定要清清佢
黑松露麵包蟹意大利飯感覺好用心，佢將蟹膏蟹肉拆哂出黎煮risotto
risotto夠哂鮮味，味道偏甜，但係佢係好自然，唔會食到灌水沖淡既地步
香氣十足，夠味之餘唔會太膩
飯粒粒粒分明，米香好重，有點咬口
個人認為唔使加黑松露已經幾好
因為黑松露又有另一種香氣，濃香但不濁
如果mix埋係好多層次，但同時會有點混亂
朱古力芭菲朱古力味濃郁，甜中帶苦，大大減低膩感
mousse香滑嫩身，加上乾身既餅碎有質感上既contrast
再加多少少水果既微酸似乎會更解膩^)
草莓吉士千層酥之前訂枱時有提到係生日飯
上甜品既時候有點蠟燭及寫字:^)
仲播埋生日歌，負責人又黎講生日快樂:^)
感覺幾親切
講番甜品
賣相幾特別，層層疊起，勝在佢唔會好易塌
草莓新鮮清甜，冇咩酸味:^0
吉士是creamy的，好滑，同草莓好夾
千層酥既部分味道較淡，薄身又夠脆，而且係乾身既
配上吉士同草莓既甜味，整體唔會過甜過膩:^)
服務方面，我個人已經係滿意
其實我要求唔高，真係夠舒服，食得自在唔會俾人趕俾人望實就OK
上食物果陣佢地真係會講解一下用料同煮法，可見對出品係好有認識既
不時又加水又睇進度上菜
最後仲會問埋有冇咩意見同埋可以點改進
講真我覺得最緊要係佢地有心做好，唔係話求其搵人寫下D正評誇下佢就算
佢地問果陣我都唔知點答好XDDDD，因為我覺得已經不錯
Other Info. :
可能食生日飯好似好重要既Event咁（仲要唔係隨便食……
加上餐廳負責人似乎都會上網睇番評價
因此呢篇我算係打好多字了吧xdddd，比平日打既更加認真架啦xdddd
(The above review is the personal opinion of a user which does not represent OpenRice's point of view.)
Post
