ZERO (Closed)

👉🏻燒肉眼配薯條$248牛扒得呢款選擇，牛魔王嘅我唯有揀佢啦，我就嗌左七成嘅，食落都juicy嘅，不過就比較多筋😖食得冇咁爽，肉味就正常啦，唔係太特別嘅菜式。反而佢嘅配菜露荀就整得幾好🤣咬落爽脆，又唔會太大陣草青味👍🏻薯條就不過不失，仲熱嘅🤣👉🏻自由配Pizza$155Menu簡單咁帶客人一步一步去按自己口味咁砌自己想食嘅Pizza，我地揀左海鮮醬打底，配料係帶子(粒？)，煙三文魚，菠蘿同辣肉腸。個餅底好香脆嘅，不過係基本啦。個醬可能我地食唔慣，覺得有啲咸，加埋煙三文魚同辣肉腸就仲咸，如果有下次嘅，唔會叫呢隻醬，配料只係想講啲帶子真係少到得幾粒，仲要冇乜味嘅。整體梨講偏咸😖下次可能會擇d冇咁咸嘅配料同醬👉🏻黑松露卡邦尼意粉配溫泉蛋$128呢個係成晚最好味嘅野，平時食卡邦尼都未試過搭溫泉蛋，點知一試難忘，非常之夾，意粉唔會太淋，黑松露嘅味又唔會太搶，各樣配搭埋一齊係相當美妙嘅，推介🤩