東海酒家 (Closed)

今日同朋友仔慶祝生日，佢夜收工，所以只好去佢公司附近既酒樓食飯慶祝。友人最喜歡食雞同帶子，所以叫左個順德生煎雞同黑松露醬炒帶子，仲有個花膠野菌浸翡翠苗。1. 黑松露醬炒帶子好香，帶子都好鮮甜。2. 花膠野菌浸翡翠苗 – 呢個一般，無咩味道，D花膠原來會碎上，唔講仲以為係鵝腸3. 順德生煎雞 – 呢個應該係招牌菜，我見好多枱都有叫呢個，佢上枱時仲”吱吱”聲，一端上嚟就一陣姜蔥味，原來鍋底用大量姜蔥墊底，D雞好嫩滑好香，不過呢個要快手食，因為裝雞既鍋熱辣辣，遲左食D雞就無咁嫩，同埋要小心鍋邊燙手。4. 呢度個白飯好特別，係用砵仔上的，不過無得落豬油去撈飯5. 最後當然要叫個大大隻壽桃包同蛋黃千層糕同朋友仔慶祝下。