英王麵包店 (Closed)

春天到臨，亦即日本白桃來港季節。原本今年生日準備一如過往兩年，購買Italian Tomato個白桃蛋糕慶生，點知行到其合和中心分店門外，發現旁邊新開咗間德國餅舖「A-1 Bakery」，咁啱又正在推廣緊白桃系列蛋糕，XO仔當然係想比較一吓啦，所以就不加思索地選擇咗幫襯新店！置身於超市入面o既「A-1 Bakery」，舖面好開揚，溫文有禮o既姐姐喺方形counter中央工作，四面被麵包糕點圍住，望落去寬闊衛生，慳位又企理。落餅流程簡易快捷，五分鐘內迅速搞掂，取餅當日蛋糕亦準時有得攞，效率絕對有保證。白桃忌廉芝士蛋糕White Peach Cream Cheese Cake（$208/原個；$28/件）：原個蛋糕只有一磅裝，份量剛剛好供十人作甜品。實物與相片唔算得上係差得太遠，不過就外表睇黎，個人覺得Italian Tomato嗰個稍勝一籌。一刀切落去，已覺底面兩層海綿蛋糕鬆軟，入口更覺夾喺中間o既芝士餡層輕巧軟熟。面層雪白o既忌廉滑溜非常，就連嫲嫲都能輕易吞嚥下去，實屬難得！主角白桃軟身得黎又帶點兒爽脆，味道清香甜美得令不愛吃生果o既大肥亦大為讚賞，唯一家人都略嫌白桃份量唔夠多。糕面其