Video
Read full review
2019-12-02
644 views
今次介紹既係屋企樓下的屋子生活～ 其實經常都食，今次決定要寫食評讚一讚佢 🤩呢間都算係烏溪沙比較出名既餐廳，唔少人都會專程入黎試。佢空間感好大，超高樓底，餐廳一邊仲係貼住成個落地大玻璃同tatami座位，簡直係weekend late lunch懶洋洋之選! 出面個景有時見住小朋友放學跑黎跑去，有時睇住啲狗狗玩，有時望人踩單車，加埋暖笠笠既太陽，真係攞本書加杯咖啡可以坐成個下晝 😌不過今日黎到竟然係無哂tatami位 😂 比啲帶埋小朋友既家庭坐哂哈哈，不過唔緊要啦見佢地玩啲cushion玩得咁開心都覺得好好笑哈哈 🤩 坐低係中間大枱之後就嗌野食～ 今次嗌左吉烈豚扒丼同炭烤雞塊丼，其中一個跟餐配埋烤沖繩黑糖咖啡。吉烈豚扒炸得好食，豬扒肉地結實，除左普通沙律醬仲有配一個有wasabi味既醬，兩種唔同滋味 😊 炭烤雞塊都好好食，雞肉夠嫩，隻teriyaki汁都好岩我口味，都有配沙律醬 👏🏻 至於個飯就係用珍珠米，飯面仲有配啲飯素增加味道同口感，我自己第一次食完之後仲走左去citysuper買飯素抄佢，而家係屋企自己煮飯都會落 😆 我自己仲幾鍾意用埋啲沙律醬撈飯，基本上係實好食哈哈～配菜方面就
呢間都算係烏溪沙比較出名既餐廳，唔少人都會專程入黎試。佢空間感好大，超高樓底，餐廳一邊仲係貼住成個落地大玻璃同tatami座位，簡直係weekend late lunch懶洋洋之選! 出面個景有時見住小朋友放學跑黎跑去，有時睇住啲狗狗玩，有時望人踩單車，加埋暖笠笠既太陽，真係攞本書加杯咖啡可以坐成個下晝 😌
不過今日黎到竟然係無哂tatami位 😂 比啲帶埋小朋友既家庭坐哂哈哈，不過唔緊要啦見佢地玩啲cushion玩得咁開心都覺得好好笑哈哈 🤩 坐低係中間大枱之後就嗌野食～ 今次嗌左吉烈豚扒丼同炭烤雞塊丼，其中一個跟餐配埋烤沖繩黑糖咖啡。
吉烈豚扒炸得好食，豬扒肉地結實，除左普通沙律醬仲有配一個有wasabi味既醬，兩種唔同滋味 😊 炭烤雞塊都好好食，雞肉夠嫩，隻teriyaki汁都好岩我口味，都有配沙律醬 👏🏻 至於個飯就係用珍珠米，飯面仲有配啲飯素增加味道同口感，我自己第一次食完之後仲走左去citysuper買飯素抄佢，而家係屋企自己煮飯都會落 😆 我自己仲幾鍾意用埋啲沙律醬撈飯，基本上係實好食哈哈～配菜方面就有味噌湯，粟米菜沙律等等。
咖啡都係特登加錢要佢main menu既咖啡，今次要左烤沖繩黑糖咖啡，好好飲! 唔會太甜而又充滿住咖啡豆香味，同黑糖同奶既配搭都好好。佢主menu既咖啡都好好飲所以我次次都會加錢嗌 🤗
兩個人食左$200，稍為有少少貴（如果兩個都加餐同加主menu咖啡就會更貴）不過考慮到食物質素同環境都係會keep住黎食 🤩🤩🤩 推介!
Post
