the Engine

Open Now

Now Closed

近排天氣不穩, 冇得外出跑步, 唯有食返d健康餐keep fit。同事介紹公司附近有間主打生酮飲食嘅餐廳, 味道唔錯又健康, 於是今日放工去試下。餐廳主要為外賣店, 但餐廳兩旁都有張小小餐檯供堂食。Menu上每款食物都有顯示食材明細同埋營養指數作參考。煙三文魚牛油果生酮漢堡自家製生酮包夾住多片煙三文魚、生菜、薄蕃茄、煙肉同埋牛油果醬。生酮包質地比法包軟熟一點, 有天貝嘅麥味, 上下札實嘅口感一咬之下, 中間嘅牛油果醬bi出, 夾集食到鹹香煙三文魚、爽脆清新生菜、偏乾身香口煙肉, 蕃茄片太薄, 仔細細味都有清甜蕃茄汁。煙三文魚煙肉粟米牛油果沙律墊底有清新沙律菜, 面層佈上多片煙三文魚、牛油果醬、蕃茄仔、雞蛋切片, 再灑上硬脆煙肉粒, 另外配上甜酸醋, 自行加入, 非常開胃。不過成碗都唔見有粟米 (應該比漏咗)法式油封春雞配砵酒洋蔥及椰菜花扒呢款最有驚喜, 春雞即焗, 外皮微微脆口, 肉質好滑又juicy, 特別係髀位 (除咗雞胸比較鞋), 春雞醃得入味, 鹹鹹地, 砵酒洋蔥甜甜地, 椰菜花扒墊底同埋茄子伴碟, 兩者索咗春雞肉汁精華, overall味道唔錯!