SEDAP惹味馬拉 (Closed)

發現屯門市廣場有星馬菜，心癢癢又想食。星期日lunch time一點黎到，唔洗等位。望下menu，有我最愛既喇沙，不過我無揀到，反而想試下檳城蝦湯麵。因為呢排食太多辣，諗住唔好食咁多辣野，點知俾個阿姐呃左，佢話只係少少辣，但都算幾辣架！不過個湯底又幾好味🤪有啲炸紅蔥頭，好香，但都幾油，啲辣油浮面搞到啲菜都油。麵底有米粉同油麵，份量比較細，有少少通菜，少少雞絲，半隻烚蛋同一隻虎蝦。虎蝦好似我係超市買開啲急凍虎蝦，爽彈有蝦味，開頭以為俾啲好hea既貨色，有驚喜！不過加埋一要$68，如果麵底大份啲會抵食啲。