Video
Read full review
2023-05-08
1797 views
上年辭職之後煩惱緊散水餅，見而家啲散水西餅又貴又唔好食又唔健康，訂IG無牌果啲又等如交智商稅。突然諗到裸辭咁開心，不如訂隻乳豬俾同事LUNCH加料啦！上網睇完一輪，見到呢間同其他差唔多價錢，但重量多啲大隻啲，就用Whatsapp好順利咁落咗單。講咗隻豬先，我落單時有問乳豬有冇閃燈眼仔，店家話要加錢，我就冇加了。點知出貨果時店家送咗對閃閃眼俾我！仲祝我快啲搵到好工！第一眼見到隻豬，有新淨紙盒，乾淨衛生，隻豬氣色好靚，坐成粒鐘咁耐車都仲齊齊整整冇暈車浪。皮脆肉嫩，油脂比例剛剛好，個個同事食完都話好好食，有幾個仲即刻問我店舖資料，話過海拎都抵！我仲拎埋啲頭、手同豬骨返去煲豬骨粥，超正。後尾再專程去斬料返屋企，屋企人一致讚好，個燒腩肉個皮仲係脆，真係超級好食。最後想講，切完隻乳豬，我而家真係做緊份更好嘅工，人工高咗但又舒服咗，冇晒壓力，最緊要係管理層係人類。多謝文記！以下係服務相關：店家可以代為安排call van，途中個司機唔知兜咗去邊，店家全程幫我追蹤，仲緊張過我！好在最後都準時送到，但個司機唔識聽人話，無啦啦兜入停車場俾錢出閘之後問我拎錢，仲話唔俾錢就報警抓我:0)喺我唔知埋位切豬好定係
突然諗到裸辭咁開心，不如訂隻乳豬俾同事LUNCH加料啦！
上網睇完一輪，見到呢間同其他差唔多價錢，但重量多啲大隻啲，就用Whatsapp好順利咁落咗單。
講咗隻豬先，我落單時有問乳豬有冇閃燈眼仔，店家話要加錢，我就冇加了。點知出貨果時店家送咗對閃閃眼俾我！仲祝我快啲搵到好工！
第一眼見到隻豬，有新淨紙盒，乾淨衛生，隻豬氣色好靚，坐成粒鐘咁耐車都仲齊齊整整冇暈車浪。
104 views
1 likes
0 comments
皮脆肉嫩，油脂比例剛剛好，個個同事食完都話好好食，有幾個仲即刻問我店舖資料，話過海拎都抵！
94 views
0 likes
0 comments
我仲拎埋啲頭、手同豬骨返去煲豬骨粥，超正。
後尾再專程去斬料返屋企，屋企人一致讚好，個燒腩肉個皮仲係脆，真係超級好食。
46 views
0 likes
0 comments
最後想講，切完隻乳豬，我而家真係做緊份更好嘅工，人工高咗但又舒服咗，冇晒壓力，最緊要係管理層係人類。多謝文記！
以下係服務相關：
店家可以代為安排call van，途中個司機唔知兜咗去邊，店家全程幫我追蹤，仲緊張過我！
好在最後都準時送到，但個司機唔識聽人話，無啦啦兜入停車場俾錢出閘之後問我拎錢，仲話唔俾錢就報警抓我:0)
喺我唔知埋位切豬好定係處理件事好果時，店家竟然叫我快d去享受隻豬同埋last day，佢地會幫手拆掂…….真係感動到要永遠支持佢地。
Post
