六合小巷 (Closed)

天寒地凍仲要陪阿女去北角整手甲，好在佢之後話同我去食台灣菜，佢知道電廠街有間六合小巷，食台灣菜好好味。餐廳內外都掛滿七彩繽紛的燈籠，特別搶眼。室內擺設頗有台式夜市格調。黑麻油蟲草花濃湯雞麵，湯底以全雞加雞腳熬最少4小時而成，湯汁半奶白色，之後再隔油。濃雞湯鮮甜不膩，完全不黏喉，隱隱帶點麻油香，配原隻雞髀及炸脆了的蟲草花，麵都好彈牙。蚵仔煎，脆嫩相間，香酥可口，蠔味香濃。士林鹽酥雞扒，大大塊鹽酥雞扒即叫即炸，熱辣辣香脆可口，加咗少許鹽吊味，更加惹味！肉鬆皮蛋滑豆腐，皮蛋的甘香軟綿、豆腐的清涼嫩滑與肉鬆的惹味嚼口，三種不同質感不同味道的食物，配上醬汁後越食越滋味！鳳梨冰茶，酸甜中帶有果香、茶香的混合風味，口感既清爽又濃郁。