宴．鐡板燒 (亨環‧天后)

Open Now

Now Closed

返工難得有得放平日，決定好好獎勵自己，揀咗間高質鐵板燒嚟食。呢間鐵板燒位於天后，位置好方便，喺地鐵站隔離，咁啱嗰日落大雨都唔使行好遠就去到。餐廳喺24樓，望出去可以見到好靚嘅海景。前菜前菜一嚟就好驚艷，京都湯葉配上本茹水雲菜，酸酸甜甜，超級開胃。日本溫室蕃茄清爽多汁，北海道白粟米十分爽甜，仲有海膽配腐皮，道道都超級好味！刺身白松露櫻花鯛魚薄切花鯛魚本身好清甜，配埋淡雪鹽同埋白松露油，連豉油都唔使點，一放入口白松露嘅味即刻爆發出嚟壽司大池魚壽司比較爽口同埋清甜，鰈魚壽司比較滑身，但師傅用火燒一燒，令到本身嘅油香完全帶咗出嚟，食完啲油香留喺嘴入邊，兩款都好高質。鐵板燒澳洲龍蝦師傅會即場喺水缸撈隻龍蝦出嚟，隻隻都好生猛，再望住師傅即場切，然後放喺鐵板上面煎。隻龍蝦又新鮮又大隻，啖啖肉好正，而且蝦膏超級濃郁，真係好食到唔捨得食晒呀三文魚籽配北海道帆立貝日本帆立貝固自然鮮甜，但再由師傅熟練嘅手勢，煎到外層香脆，再配搭師傅自家製嘅三文魚子，下面仲有海苔湯汁，無論口感同埋味道都係超級正美國牛柳牛肉可以揀厚切或者薄切，薄切嘅牛中間會夾住香脆嘅蒜片同埋香蔥，咬落去嘅味道會比較豐富。好似嘅牛牛味比較濃郁，