壽定食屋

Open Now

Now Closed

今日同朋友約左係長沙灣睇戲，估唔到平日賣衫（香港工業中心）嘅地庫有一個food court，仲有一間高質嘅日式餐廳，所有菜式都係即叫即整，用心製作！1. 日式厚切吉列黑豚豬扒定食呢個必食，係即叫即整，一攞上台要攤凍一陣先可以食！黑豚豬扒炸到外表金黃色，表面非常香脆，而且係好厚身！雖然豬扒好厚身，但非常之Juicy同淋。而配菜係天婦羅南瓜，表皮薄而香，而且南瓜好鮮甜，連小食係用心之作！而麵豉湯比平日飲嘅唔同，好濃郁，飲到底好足料，有好多海大同豆腐！2.南國元氣鳥唐揚炸雞湯烏冬唐楊炸雞份量非常多，亦都因為即叫即炸，表面好香脆，雞肉嫩滑同juicy，好好食！而烏冬非常之有驚喜，烏冬好煙靭，配上日式湯底，夾埋一齊好好食！3.可樂餅係自家製嘅可樂餅，呢個大推！表面炸到好脆，裏面嘅薯仔同埋肉碎都好均勻，食落口好香口，食得出鮮牛肉味，感受到製作嘅用心！