露面手工拌麵料理

喺灣仔行行下，就見到呢間以手工麵為主打嘅麵館，於是就決定入去解決午餐。餐廳比我想像中大，我同朋友被安排坐喺卡位，都闊落同坐得都舒服。我哋見餐牌都有好多選擇，我哋於是就嗌咗佢推介人氣嘅麵。《嫩雞白布湯闊面》一上枱，就聞到陣奶香味，一飲湯頭，就感受到濃濃嘅奶加雞湯味，味道好溫和，加埋雞肉同菜，成個配搭健康又好味。而闊面質地好彈牙有口感，同時又掛到湯，我同朋友都好中意。《蟹黃拌面》賣相超級驚艷，一碗蟹黃咁上比你撈，另加一小碗醋去吊個鮮味。蟹黃一啲都唔流，好香蟹膏味，超濃郁。呢個我同朋友食唔停好快清哂！《秘製香槽醉雞》雞件好滑，有酒香味。飲品我地就叫左凍豆漿同香水檸檬茶，前者豆味好夠又唔會好甜，後者就好清新，兩杯都好唔錯。整體來講，我好中意呢間麵舖，價錢抵食又好味。