阿麥廚房 (Closed)

今晚老公book咗呢間餐廳同我慶祝生日，餐廳係食西餐，環境舒適，燈光亦調校得很柔和，氣氛也營造得幾有情調，非常適合情侶約會。晚市就有dinner set，佢包咗前菜、餐湯、主菜及飲品。前菜方面，我點咗大蝦占米多和煙三文魚黑魚子蛋白沙律。隻蝦都幾巨型，d蝦肉就切粒加上調味醬汁及配料如芝士、洋蔥、菇菌、煙肉、蒜蓉等等。呢度菜十分惹味，大蝦肉質類近龍蝦，十分脆口鮮甜。酸酸甜甜的沙律十分開胃，佢既煙三文魚的肉質燻得比坊間的更嫩滑，亦不會太鹹，亦能品嚐到魚本身的鮮味。沙律醬拌勻蛋白，並灑上珍稀的黑魚子，頓時令這份沙律升價百倍。餐湯點了黑松露菌忌廉湯及龍蝦湯，兩款湯都十分濃郁香滑。打碎的黑松露菌更是先氣奪人，衝擊着味覺及嗅覺。而龍蝦湯則衝著淡淡的酒味，湯低十分鮮，還附上一只小龍蝦。餐包是烘香蒜包，由於烤得十分脆身，宜沾湯食用。主菜點了它的招牌菜德國燒豬手，另點了蒜蓉牛油焗虎蝦配龍蝦汁意粉。隻大虎蝦塗滿蒜蓉同牛油黎焗，非常香口。而意粉以龍蝦汁炆煮，再灑上香草，頗花心思。個燒豬手皮脆肉嫩，好似食燒乳豬咁香口。隻豬手好巨型下。一間小餐廳的食物可以咁高水準，除咗要有個好廚師外，仲要餐廳老闆對菜餚的重視，否