餃燃串 (Moved) New Location

餃燃串 (旺角)旺角通菜街107號地舖明太子粟米芝士煎餃6隻一口咬落去有留心芝士同埋粟米🌽睇住店員喺度自己包餃子真係好有心機，新鮮出爐脆卜卜。 明太子雞全翼炸得皮都好脆，明太子唔算咸幾好食。一口和牛肉質鮮嫩，醬汁惹味。翠肉瓜顏色翠綠，新鮮爽口。蒜蓉扇貝勁大隻，蒜蓉味濃，肉質鮮甜。蒜蓉燒蠔勁大隻，一啖食晒佢，爽快。茄子🍆香辣孜然味，茄子勁大隻，燒得剛剛好，夾起來容易甩肉唔黐實。魷魚鬚少少椒鹽少少辣，魷魚鬚脆彈。大葱雞肉香蔥大大粒勁爽口，雞肉先啦，燒完之後鹹香無窮。樽裝汽水其實已經好少見樽裝汽水，所以拎出嚟嘅時候好驚喜，係懷舊嘅味道。