甲天下正宗桂林米粉 (Moved) New Location

近排，我同男朋友食飯，都會特登搵啲小店嚟食！因為我地覺得，食物質素固然重要，但有冇心去煮，其實都係一個重要因素。餐廳唔大，位置都唔算靚，可以話有啲偏僻，不過見客人絡繹不絕，証明佢係有啲實力先可以撐得住。一入到去，會見到呢到有個自助bra, 無限refill醃蘿蔔同醃青椒！雖然呢兩樣我都唔食，不過睇得出老闆真係有用個心經營嘢食種類唔算多，好似譚仔咁，先㨂要咩米線，再揀配料。男朋友叫咗呢個干撈桂林米粉，第一冷食干撈，味道唔太差！男朋友最鍾意佢個鹵五花肉，入味得嚟唔會韌。不過我個人始終喜歡有湯嘅米線，見呢個柳州螺絲粉個名咁特別，所以就叫黎試吓。口感同米線差不多，都係好滑身。配料方面，最鍾意食五香牛腩，炆得好腍，應該真係落過功夫煮，唔錯另外呢到有我番大陸最鍾意飲嘅天地壹號，係香港唔係到到有，難到呢到有，所以都叫咗罐享受吓。呢啲用心經營小店其實係香港真係愈嚟愈少，作為一個土生土長嘅香港人，真係唔想見到佢地比大財團一個一個咁食晒，所以有時間去幫襯吓，除咗支持佢地嘅用心外，都可以令一啲唔係主流嘅美食可以流傳落去