千味燒

Open Now

Now Closed

老細真係好鍾意食串燒，上次同媽咪過嚟大角咀食飯，見到有間串燒店响對面，望落都幾骨子～今日帶老細嚟試下！！終於畀佢讚我有好介紹啦！！呢間店店面光鮮乾淨，同一般串燒店好唔同，唔會一陣味～而且最重要嘅係……佢原來主打餃子㗎！！🥟唔想全晚都淨係食熱氣嘢就啱晒！佢有煎餃同湯餃畀你揀，原來佢餃子先至係午市主打，一於要試下！！千味餃子（個湯底都幾好味）（有四款味道：韭菜、白菜、粟米、芫茜）每樣兩隻👍🏻👍🏻果然皮薄餡靚～😋😋個人最愛芫茜餃～非常之香（唔鍾意就冇計啦😂🫣）嚟串燒店一定要食串燒，但係佢個豬手又真係好吸引！！🤤口味係有啲Q彈，好咬口～絕對唔會腍patpat～所以一人兩嚿都唔會覺得膩～再嚟兩隻燒生蠔🦪～嘩！！！漲卜卜…勁新鮮！加蒜蓉辣椒～微辣～好juicy 又惹味！！食親串燒老細實要燒大蝦，🦐你睇隻虎蝦大隻到呢～仲高過罐王老吉咁多😂😂👍🏻～最重要係燒得好好味！！原來老闆親自燒㗎！叫咗兩隻雞全翼，都燒得外脆內嫩～個手打墨魚丸簡直係全晚MVP😋🥰👍🏻彈牙不特止，仲要有粒粒墨魚肉！🍡仲有汁燒安格斯牛柳粒🍢，另外叫咗涼拌牛舌同埋蒜泥白肉～全部都醃得好好味！完全唔會覺得好鹹好膩～食串燒當然要食返D蔬菜：