東京食堂 (Closed)

鋪頭位置比較隱蔽，但絕對值得花時間去搵！鋪頭由兩位廚師主理，做樓面既好友善。雖然鋪頭比較細，但勝在夠親密，同三兩個知己去食就最岩！同埋鋪頭有好多日本裝飾，入左去就真係好似去左日本既居酒屋咁，好正👍🏻鋪頭好似係主打食鰻魚，我叫左黯然銷魚飯，其實就係鰻魚飯加煎太陽蛋，好食得黎又加左本土特色。朋友叫既牛肉壽喜燒定食亦係色香味俱全。最後叫既牛舌更有驚喜，調味剛剛好，燒得好香但又唔會過熟，好有水準👍🏻每樣食物都係即叫即整，但都唔使等好耐，好有效率。