Video
Read full review
2016-12-11
4956 views
識左將近九年既朋友，每年生日都係用心之選，今次佢又有驚喜俾我，揀左間有格調既餐廳同我慶祝。地方雖少，但都serve到十幾枱，而且經理同侍應態度同服務都好好，靜靜地傾計都唔錯！當日既set同a la carte其實都好吸引，朋友果然係有做功課，但有選擇困難症既我地，揀左好耐，最後都由老闆話事。a la carte上面，我就點左crab cake同French onion soup（鍾意呢個湯都係因為呢個好朋友），羊就係我最愛，而souffles就係無咩選擇下而揀，佢就揀左duck liver同suckling duck（chef recommendation）加Alaska，咸食確實唔錯，但可惜係衰係甜品度，真係衰收尾‥‥‥先講starter，我好想食crab cake原因係幾年前係美國食過，未係香港再試（或者我都無刻意去搵來食），見到menu有當然想試下，熱辣辣上碟，賣相唔錯，蟹肉都溶入係D豆度，香口算唔錯！而個duck liver整到好似件蛋糕咁，連個texture都似蛋糕，食落去有d“聲”，唔係我想像中咁好食，不過賣相（again）都真係好靚。中間間場有個湯，當我地叫兩個湯時，wa
當日既set同a la carte其實都好吸引，朋友果然係有做功課，但有選擇困難症既我地，揀左好耐，最後都由老闆話事。a la carte上面，我就點左crab cake同French onion soup（鍾意呢個湯都係因為呢個好朋友），羊就係我最愛，而souffles就係無咩選擇下而揀，佢就揀左duck liver同suckling duck（chef recommendation）加Alaska，咸食確實唔錯，但可惜係衰係甜品度，真係衰收尾‥‥‥
先講starter，我好想食crab cake原因係幾年前係美國食過，未係香港再試（或者我都無刻意去搵來食），見到menu有當然想試下，熱辣辣上碟，賣相唔錯，蟹肉都溶入係D豆度，香口算唔錯！而個duck liver整到好似件蛋糕咁，連個texture都似蛋糕，食落去有d“聲”，唔係我想像中咁好食，不過賣相（again）都真係好靚。
中間間場有個湯，當我地叫兩個湯時，waitress好細心，話個湯其實都大份，不如叫一個分開兩個上，果然都真係岩，芝士味重，但我就覺得個味就濃左d，朋友話岩岩好，唔知係唔係分開左兩碗上，洋蔥比我想像中少左，但係果片芝士我真係好鍾意，夠厚，正！
到上主菜，先上chef recommendation既suckling duck（隔離枱都有叫），佢個湯好重海鮮味，因為件鴨既底係有六、七隻蜆做底，重有幾塊菜葉，當食件鴨時，一定要加湯，因為件鴨都有d乾，兩者配合岩岩好，如果齋食鴨就真係有d“un”，加左湯，濕濕地再加上海鮮鮮味，咁就真係唔錯！
而羊我地就揀五成熟，但我心中係想要七成，廚房唔知係唔係聽到我地講呢﹖四件入面，有兩件真係五成，有兩件真係七成！我就覺得五成重有少少算水，所以我唔太鍾意，朋友相反覺得太熟會無晒d肉味，所以真係咁岩得咁橋。羊肉好嫩好林，亦有“so”味，加埋d汁就更加完美，side dish既菇都吸晒羊味同汁既味，所以呢個係全晚最愛。
可惜就係甜品，我既souffles個心係未變成糕狀，重係流質狀態，而我自己一向唔太鍾意Alaska，因為太重酒味，但視覺效果係真係唔錯，但掛住影相，燒到焦左‥‥‥
整體係真係好好，無論環境、服務態度同食物，都做到一流，真係要多謝我好朋友！
Crab cake
87 views
1 likes
0 comments
Duck liver
59 views
0 likes
0 comments
French onion soup
94 views
0 likes
0 comments
Suckling duck
61 views
0 likes
0 comments
Lamb
39 views
0 likes
0 comments
Souffles
42 views
0 likes
0 comments
Alaska
46 views
0 likes
0 comments
Post
