Video
Read full review
2013-01-02
109 views
2012年最後一日，難得公司放早，即刻去呢間 “恨” 左好耐既餐廳。之所以要 “恨”，係先前黎左2次等位都唔成功 (講緊等超過150張枱!)，今次 “只係” 等左1個鐘，算係咁….現場所見，4人枱為主。放心，就算2個人食，因為每枱只有一個爐，所以會照俾4人枱你而不設疊枱 ，坐得真舒服!入正題，入坐時侍應會叫你選定邊款放題同湯底，有不同級數既牛肉 (美國> 極上> 和牛etc) 拼豚肉，我們選了最平 $128/人既美國牛肉拼豚肉，另加$18轉雙併湯底，三文魚xxx湯 (太長，唔記得全名) 同辛口牛肉味噌湯。三文魚xxx湯幾鮮甜 別看味噌湯o個邊咁紅，只係微辣咋 餐廳最入有兩排長枱，是火鍋食物、醬油、飲品、甜品自助吧。蔬菜種類幾多，只係蔬菜都有4款，仲有其他瓜、菇類、豆腐等。丸類唔覺有! 另有日本獨有既食物，如日本年糕、魚蛋 (一片片好似太陽o個隻)。有2款熱盤: 和牛炒飯及日式咖哩配白飯。和牛炒飯有少少脆口，加入蟹籽同和牛粒，必試!!! 醬油方面，有 “普通醬油”、黑蒜醬油、辛口醬油、芝麻醬。可能日本人習慣如此…. 醬油較稀，黑蒜醬油好掂! 入口已經有強烈既黑蒜味，食完唔
之所以要 “恨”，係先前黎左2次等位都唔成功 (講緊等超過150張枱!)，今次 “只係” 等左1個鐘，算係咁….
現場所見，4人枱為主。放心，就算2個人食，因為每枱只有一個爐，所以會照俾4人枱你而不設疊枱 ，坐得真舒服!
入正題，入坐時侍應會叫你選定邊款放題同湯底，有不同級數既牛肉 (美國> 極上> 和牛etc) 拼豚肉，我們選了最平 $128/人既美國牛肉拼豚肉，另加$18轉雙併湯底，三文魚xxx湯 (太長，唔記得全名) 同辛口牛肉味噌湯。三文魚xxx湯幾鮮甜 別看味噌湯o個邊咁紅，只係微辣咋
餐廳最入有兩排長枱，是火鍋食物、醬油、飲品、甜品自助吧。蔬菜種類幾多，只係蔬菜都有4款，仲有其他瓜、菇類、豆腐等。丸類唔覺有! 另有日本獨有既食物，如日本年糕、魚蛋 (一片片好似太陽o個隻)。
有2款熱盤: 和牛炒飯及日式咖哩配白飯。和牛炒飯有少少脆口，加入蟹籽同和牛粒，必試!!! 醬油方面，有 “普通醬油”、黑蒜醬油、辛口醬油、芝麻醬。可能日本人習慣如此…. 醬油較稀，黑蒜醬油好掂! 入口已經有強烈既黑蒜味，食完唔好即刻同人近距離講野! 另外仲有一條條狀既柚子醋，因為本人唔多好醋類食物所以無拎，但都幾多人拎，一放出黎好快無哂。
飲品全汽水! 甜品有乳酪同雪糕，當晚我選了朱古力雪糕 (只有一款味)，好快溶 toppings 約20款，都ok。
放題既主角：牛肉同豚肉，叫侍應下單就可以。因為無其他肉類，所以唯有 “喪食”以求回本!
白碟係牛肉，玻璃碟係豚肉。兩者都相當好食!!! 來到已完全溶雪，紋理好靚、大塊、排得好靚，賣相一流! 豚肉叫左幾碟都係咁簿! (透光ga!) 可見刀功幾好。 只係唔知點解每碟分量都唔同有時一碟得幾片，有時又會成打咁上.....牛肉煮耐左都唔會覺得韌，好香濃既牛肉味。
唯一美中不足既狂漏單lor!本身只有90分鐘已經好趕，第2輪食完先叫下一碟就出事，等左20 min 都未到! 期間每5分鐘就催….我都唔想咁hash，但鬼叫你咁少時間咩! 侍應只識答 “下? 仲未黎? 我已經叫左ga la” --> 你送黎先得ga…. 最後臨尾20分鐘叫我地埋單，話會加番10分鐘俾我地。我即刻話 “下? 我頭先等左20分鐘wow，你俾多10分鐘咋?” 結果個經理都肯俾多10分鐘，即係total 加多左20分鐘，算佢啦~另外好想講佢將枱安排得幾差，我旁邊2張空枱等左2x 分鐘才有人入座，但外面講緊最少50人等緊!! 搞到食緊既又唔安樂，外面既又等到眼火爆……
Other Info. :
如果唔想等到傻，建議食最易早一批，晚餐5 pm 開始派飛，拎得黎等個幾鐘，7點多就可入座了。
(The above review is the personal opinion of a user which does not represent OpenRice's point of view.)
Post
