包羅萬有(萬友)火鍋 (Closed)

90分鐘放題，連加一$110。價錢雖平，質素太差。開頭仲以為碟牛肉攞錯左豬肉，因為毫無牛味，而且肉質非常瘦，完全無牛油香。出去雪櫃check多一次，的確拎嘅係牛肉。難以置信，食過唔少平價至中價邊爐，最多係牛肉多肥膏，從來未食過質素差到認唔出係牛肉。.飲品方面，全部都係罐裝汽水。想搵包無糖茶都無。聽到員工話，係因為學生哥食量大，所以老細特登轉哂汽水，有氣可以令佢地快啲飽，食少幾碟牛肉。我聽到真係好尷尬⋯⋯.最慘嘅係，食完半個鐘左右，我開始絞肚痛。真係無下次。