Video
Read full review
2009-07-27
68 views
星期日，難得放假梗係食好0的﹗肚仔空空決定去打邊爐﹗友人介紹呢間龍城金記，話好好味就一於同食家及老友去試下﹗一行四人，坐低都唔洗講野就係啤啤佢先﹗今次試左呢個雪梨魚翅骨雞湯底﹗清清地，好香翅同埋雞味﹗炸魚皮是不可少的﹗呢個堅喇，芝士蝦丸﹗蝦丸以鮮打到起膠而成，入面釀左少少芝士，食落又香又滑，想不到蝦同芝士個味咁襯﹗全枱人都話超好食﹗不過好食都有代價，就係$80 8粒，即係10蚊一粒架﹗要食真0的先好﹗呢度services不錯呢﹗應該係老闆娘係咁同我地傾食咩食咩，又教我地應該點整先好食﹗佢推介既手打魚旦﹗彈牙又有濃烈魚香，灼一陣就好食喇﹗呢個酥炸腐皮又係一定要試﹗薄薄既腐皮卷成一條，放入湯灼一秒就得，吃落外軟內脆，相當惹味﹗如果吃較濃的湯底用來吸湯真係一百分﹗我地試左手打蝦滑同埋墨魚滑，相當之彈牙爽口，吃得出的蝦肉及墨魚粒滿佈，超新鮮真材實料﹗巨蟶子，$28隻我地要左三隻，佢地起哂片俾我地邊爐﹗輕灼三幾秒，味道鮮甜得不得了﹗呢個是最貴的超級手切肥牛，$238一碟﹗睇賣相就相當好，雪花勻稱，油脂平均，輕灼入口亦軟滑無渣，可惜的是牛味唔太濃，食家話方榮記的牛始終是最好的﹗最後要多個珊瑚蚌，爽
友人介紹呢間龍城金記，話好好味就一於同食家及老友去試下﹗
一行四人，坐低都唔洗講野就係啤啤佢先﹗
今次試左呢個雪梨魚翅骨雞湯底﹗清清地，好香翅同埋雞味﹗
炸魚皮是不可少的﹗
呢個堅喇，芝士蝦丸﹗
蝦丸以鮮打到起膠而成，入面釀左少少芝士，食落又香又滑，想不到蝦同芝士個味咁襯﹗全枱人都話超好食﹗
不過好食都有代價，就係$80 8粒，即係10蚊一粒架﹗要食真0的先好﹗
呢度services不錯呢﹗應該係老闆娘係咁同我地傾食咩食咩，又教我地應該點整先好食﹗佢推介既手打魚旦﹗
彈牙又有濃烈魚香，灼一陣就好食喇﹗
呢個酥炸腐皮又係一定要試﹗
薄薄既腐皮卷成一條，放入湯灼一秒就得，吃落外軟內脆，相當惹味﹗如果吃較濃的湯底用來吸湯真係一百分﹗
我地試左手打蝦滑同埋墨魚滑，相當之彈牙爽口，吃得出的蝦肉及墨魚粒滿佈，超新鮮真材實料﹗
巨蟶子，$28隻我地要左三隻，佢地起哂片俾我地邊爐﹗
輕灼三幾秒，味道鮮甜得不得了﹗
呢個是最貴的超級手切肥牛，$238一碟﹗
睇賣相就相當好，雪花勻稱，油脂平均，輕灼入口亦軟滑無渣，可惜的是牛味唔太濃，食家話方榮記的牛始終是最好的﹗
最後要多個珊瑚蚌，爽口彈牙亦鮮味，雖知是雪藏貨不過味道也不錯呢﹗
四人吃得飽飽的每人埋單$200左右，係0的牛唔太夠味覺得美中不足，其餘食物也有水準，值得推介﹗
更多相:
http://hk.myblog.yahoo.com/smallsmalllin/article?mid=17122
Post
