後宮 (Closed)

同事介紹呢間後宮，有得打邊爐又有得唱K，咁過癮梗係要試下。叫咗個花雕醉雞煲，湯底好香酒味；雞件新鮮，按職員指示嘅時間去煮，生熟程度啱啱好，雞肉嫩滑。潮汕吊龍片推薦必點，睇個樣都知正，切得都幾厚身，好有牛味，油香十足。香茜鮮蝦餃餃子大隻飽滿，中間包住芫茜同、豬肉同鮮蝦；啲蝦都幾大隻，彈牙爽口。水魷份量都幾多，彈牙新鮮，唔洗點豉油都好食。椒鹽魷魚頭除咗打邊爐嘅配料，呢度都有好多款小食揀，我就點咗最愛嘅魷魚。即叫即炸，外層嘅炸粉夠薄夠脆，中間嘅魷魚爽彈，椒鹽鹹香惹味。